मुंबई,ता. १२: दसरा हा भारतीय सणांमधील सर्वात महत्त्वाचा सण आणि चांगला मुहूर्त मानला जातो. या सणाच्या दिवशी सोनं लुटण्याची परंपरा आपल्याकडे आहे. दसऱ्याला सोनं लुटा म्हणत आपट्याची पानं दिली जातात. दसरा हा सण साडेतीन मुहूर्तांपैकी संपूर्ण मुहूर्त आणि शुभ मुहूर्त असतो. त्यामुळे, दसऱ्याला आवर्जून सोनं खरेदी केलं जातं. मुंबईतही दसऱ्याच्या दिवशी सोने-चांदी खरेदी करणे विशेष शुभ मानले जाते. दरम्यान, आज सोन्याच्या दरात वाढ झाली असली तरी नागरिकांनी सोने खरेदीची आवड जपली आहे.

सणासुदीच्या काळात सोन्या-चांदीची मागणी सातत्याने वाढत आहे. दरम्यान, ११ ऑक्टोबर रोजी सोन्याची किंमत ७७ हजार रुपये प्रति १० ग्रॅम इतकी आहे. उच्च शुद्धतेसाठी ओळखल्या जाणाऱ्या 24 कॅरेट सोन्याची किंमत 77,820 रुपये प्रति 10 ग्रॅम आहे. दागिने खरेदीदारांसाठी, 22 कॅरेट सोने, जे त्याच्या मिश्र धातुच्या रचनेमुळे अधिक टिकाऊ आहे. आज 22 कॅरेट सोन्याचा भाव 71,350 रुपये प्रति 10 ग्रॅम आहे. दुसरीकडे, चांदी 97,000 रुपये प्रति किलोवर आहे.