मुंबई : खासगी क्षेत्रातील कोटक महिंद्रा बँकेने ३१ मार्च २०२४ अखेर संपलेल्या तिमाहीत ४१३३ कोटी रुपयांचा निव्वळ नफा मिळवला असून, त्यात वार्षिक १८.२२ टक्क्यांनी वाढ झाली आहे. बँकेने आज तिमाहीचे आणि आर्थिक वर्षाचे निकाल जाहीर केले. बँकेने भागधारकांना प्रतिशेअर दोन रुपयांचा लाभांश जाहीर केला आहे.
बँकेचे निव्वळ व्याज उत्पन्न चौथ्या तिमाहीत १३ टक्क्यांनी वाढून ६९०९ कोटी रुपये झाले आहे. कर्ज व्यवसायात वार्षिक २० टक्क्यांनी वाढ होऊन, तो तीन लाख ९१ हजार ७२९ कोटी रुपयांचा झाला आहे. बँकेचा एकूण एनपीए मागील आर्थिक वर्षाच्या चौथ्या तिमाहीतील १.७८ टक्क्यांवरून मार्च २०२४ तिमाहीत १.३९ टक्क्यांपर्यंत कमी झाला आहे, तर निव्वळ एनपीए ०.३७ टक्क्यांवरून ०.३४ टक्के झाला आहे.
बँकेकडील बचत ठेवींचे प्रमाण मार्च २०२३ मधील एक लाख १७ हजार ८२४ कोटी रुपयांच्या तुलनेत पाच टक्क्यांनी वाढून एक लाख २३ हजार ४५७ कोटी रुपयांच्या झाल्या आहेत. मुदत ठेवींचे प्रमाण वार्षिक ३५ टक्क्यांनी वाढून दोन लाख २४ हजार ७०३ कोटी रुपयांपर्यत वाढले आहे. बँकेचा स्टँडअलोन रिटर्न ऑन ॲसेट २.६१ टक्के आहे, अशी माहिती बँकेने दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.