Share Market Closing Latest Update 25 January 2024: आज शेअर बाजारात जोरदार विक्री झाली. आयटी आणि बँकिंग क्षेत्रातील घसरणीमुळे बाजार बिघडला. सेन्सेक्स 359 अंकांनी घसरला आणि 70,700 च्या खाली आला. निफ्टी 101 अंकांनी घसरून 21,352 वर बंद झाला. निकालानंतर टेक महिंद्राचे शेअर्स 5 टक्क्यांनी घसरले. अॅक्सिस बँक आणि सन फार्मा यांचे शेअर्स सर्वाधिक घसरले आहेत. बाजारात सर्वाधिक विक्री आयटी क्षेत्रात झाली. एफएमसीजी आणि फार्मा क्षेत्राचाही बाजारावर दबाव होता.

क्षेत्रीय निर्देशांकाची स्थिती

निफ्टी मिडकॅप 100, निफ्टी आयटी आणि निफ्टी बँक निर्देशांकांत गुरुवारच्या व्यवहारात घसरण झाली, तर बीएसई स्मॉल कॅप निर्देशांक वाढीसह बंद झाले. गुरुवारी निफ्टी ऑटो निर्देशांकातही किंचित वाढ झाली तर निफ्टी फार्मा, निफ्टी एफएमसीजी आणि निफ्टी फायनान्शियल सर्व्हिसेस निर्देशांकात घसरण झाली.

शेअर बाजारातील टॉप गेनर्समध्ये बजाज ऑटो, अदानी पोर्ट्स, एनटीपीसी आणि कोल इंडियाच्या शेअर्समध्ये वाढ झाली, तर टेक महिंद्रा, सिप्ला, भारती एअरटेल आणि एलटीआय माइंड ट्रीच्या शेअर्समध्ये घसरण झाली.

कोणते शेअर्स 52 आठवड्यांच्या उच्चांकावर?

बजाज ऑटो, पॉवर ग्रिड, इन्फोसिस आणि भारती एअरटेलचे शेअर्स 52 आठवड्यांच्या उच्चांकावर होते, तर नवीन फ्लोरिनचे शेअर्स 52 आठवड्यांच्या नीचांकी पातळीवर होते. शेअर बाजारात अदानी पॉवर आणि टाटा मोटर्सच्या शेअर्समध्ये तेजी होती, तर टाटा स्टील, टीसीएस आणि आयटीसीचे शेअर्स घसरणीसह व्यवहार करत होते.

गुंतवणूकदारांचे नऊ हजार कोटी रुपयांचे नुकसान झाले

बाजारातील घसरणीमुळे आज गुंतवणूकदारांचे भांडवल कमी झाले आहे. काल 24 जानेवारी 2024 रोजी, BSE वर कंपन्यांचे एकूण मार्केट कॅप 371.39 लाख कोटी रुपये होते.

आज म्हणजेच 25 जानेवारी 2024 रोजी मार्केट कॅप 371.28 लाख कोटी रुपयांवर पोहोचले. याचा अर्थ आज गुंतवणूकदारांचे भांडवल 9 हजार कोटींनी कमी झाले आहे.