तूच सांग...
‘खूप चोऱ्या होतायत हल्ली
दार तेवढं लावून घे
ओळख पटल्याशिवाय
दार उघडू नकोस
आत कुणाला घेऊ नकोस’
असं सांगून निघून गेलास...
तेव्हापासून
सारी कवाडं बंद केल्येत मी
दाराला अगदी फटसुद्धा न ठेवता
अशीच बसून राहिल्येय
फक्त ओळखीची वाट पाहत
कुठूनसा आला पायरव
म्हणून
दार सताड उघडलं
तर तूच आला होतास
पण
अनोळखी प्रदेशातून आल्यासारखा
अगदी अनोळखी होऊन!
मग सांग,
आता तुला तरी
आत कसं घेऊ ?
दार उघडं ठेवू ?
की
बंद करू ?
तूच सांग...!
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.