पंचांग -

गुरुवार : वैशाख शुद्ध २, चंद्रनक्षत्र रोहिणी, चंद्रराशी वृषभ, चंद्रोदय सकाळी ६.५८, चंद्रास्त रात्री ८.२५, सूर्योदय : ६.०२, सूर्यास्त : ६.५९, चंद्रदर्शन, पारशी दये मासारंभ, भारतीय सौर वैशाख २३ शके १९४३.

दिनविशेष -

१९९२ : राष्ट्रीय स्वयंसेवक संघाचे ज्येष्ठ नेते भाऊराव ऊर्फ मुरलीधर दत्तात्रेय देवरस यांचे निधन.

१९९६ : प्रसिद्ध लघुपट निर्माते अरुण खोपकर यांनी दिग्दर्शित केलेल्या ‘सोच समझ के’ या भारतीय कुटुंबनियोजन संस्थेच्या निर्मितीला कुटुंबकल्याण या विषयावरील सर्वोत्तम चित्रपटाचा राष्ट्रीय पुरस्कार प्राप्त.

१९९९ : विदर्भ विकासासाठी खऱ्या अर्थाने परिश्रम घेऊन वैज्ञानिक विकास मंडळाची स्थापना पदरात पाडून घेणारे कामगार नेते, माजी खासदार ॲड. श्री. वा. धाबे यांचे निधन.

२००१ : ‘गाईड’, ‘मालगुडी डेज’यांसारख्या कादंबऱ्यांचे लेखक आणि आंतरराष्ट्रीय ख्यातीचे कादंबरीकार पद्मभूषण राशिपुरम कृष्णस्वामी ऊर्फ आर. के. नारायण यांचे निधन.

दिनमान -

मेष : उधारी, उसनवारी वसूल होईल. व्यवसायात नवीन तंत्र व मंत्र अंमलात आणू शकाल.

वृषभ : हाती घेतलेल्या कामात सुयश लाभेल. उत्साह व उमेद वाढेल.

मिथुन : वस्तू गहाळ होणार नाहीत याची दक्षता घ्यावी. कामाचा ताण जाणवेल.

कर्क : काहींची वैचारिक प्रगती होईल. महत्त्वाचे पत्र व्यवहार पार पडतील.

सिंह : नोकरीत समाधानकारक स्थिती राहील. राजकीय व सामाजिक प्रतिष्ठा लाभेल.

कन्या : गुरूकृपा लाभेल. हितशत्रुंवर मात कराल. जिद्द व चिकाटी वाढेल.

तुळ : महत्त्वाची कामे पुढे ढकलावीत. खर्चाचे प्रमाण वाढेल.

वृश्‍चिक : तुमचा इतरांवर प्रभाव राहील. जिद्द व चिकाटी वाढेल.

धनु : प्रकृतीकडे लक्ष द्यावे लागेल. महत्त्वाची कामे पुढे ढकलावीत.

मकर : वैचारिक प्रगती होईल. आर्थिक व्यवहार विचारपूर्वक करावेत.

कुंभ : व्यवसायाच्या जागेचे प्रश्‍न मार्गी लागतील. नवीन हितसंबंध निर्माण होतील.

मीन : नोकरी, व्यवसायात समाधानकारक स्थिती राहील. कार्यक्षेत्रात सुसंधी लाभेल.