पंचांग -

सोमवार : आश्विन शुद्ध १३, चंद्रनक्षत्र पूर्वा भाद्रपदा, चंद्रराशी मीन, चंद्रोदय सायंकाळी ५.०१, चंद्रास्त पहाटे ५.१५, सूर्योदय ६.३०, सूर्यास्त ६.०८, भारतीय सौर आश्विन २६ शके १९४३.

दिनविशेष -

१९८५ - भारतीय बनावटीचा ‘फास्ट ब्रीदर रिऍक्‍टर’ कल्पक्कम येथील इंदिरा गांधी अणुसंशोधन केंद्रात कार्यान्वित.

२००३ - रशिया आणि अमेरिकेच्या अंतराळवीरांना नेणाऱ्या ‘सोयूझ’ यानाने कझाकस्तानातील बैकोनूर तळावरून यशस्वी उड्डाण केले.

२०१४ - रशियाच्या अलेक्‍झांड्रा गॉर्याच्किना हिने जागतिक ज्युनिअर बुद्धिबळ स्पर्धेत मुलींचे विजेतेपद राखले.

२०१५ - मराठी रंगभूमीवर इतिहास घडवणाऱ्या आणि मालवणी बोली सातासमुद्रापार नेणाऱ्या ‘वस्त्रहरण’ नाटकाचे लेखक गंगाराम गवाणकर यांची ९६व्या अखिल भारतीय मराठी नाट्य संमेलनाध्यक्षपदी निवड.

२०१५ - जमैकात पाळेमुळे असलेल्या मार्लन जेम्स या ४४ वर्षांच्या लेखकाच्या पुस्तकाला ‘मॅन बुकर’ पुरस्कार जाहीर. ‘अ ब्रीफ हिस्टरी ऑफ सेव्हन किलिंग्ज’ या कादंबरीला तब्बल ५० हजार पौंडचा पुरस्कार मिळाला.

दिनमान -

मेष : आरोग्याच्या तक्रारी जाणवतील. मानसिक अस्वस्थता जाणवेल.

वृषभ : नवीन परिचय होतील. महत्त्वाचे पत्र व्यवहार पार पडतील.

मिथुन : नोकरीत समाधानकारक स्थिती राहील. सामाजिक क्षेत्रात सहभाग.

कर्क : गुरूकृपा लाभेल. एखादी महत्त्वाची वार्ता समजेल.

सिंह : काहींना कामाचा ताण व दगदग जाणवेल. महत्त्वाची कामे पुढे ढकलावीत.

कन्या : जोडीदाराची अपेक्षित साथ लाभेल. आरोग्य उत्तम राहील.

तुळ : कर्मचारी वर्गाचे सहकार्य लाभेल. प्रॉपर्टीची कामे पुढे ढकलावीत.

वृश्‍चिक : संततिसौख्य लाभेल. आर्थिक लाभाचे प्रमाण समाधानकारक.

धनु : कामानिमित्त प्रवासाचे योग येतील. प्रवास सुखकर होतील.

मकर : जिद्द व चिकाटी वाढेल. हितशत्रुंवर मात कराल.

कुंभ : जुनी येणी वसूल होतील. व्यवसायात नवीन तंत्र व मंत्र अंमलात आणाल.

मीन : आरोग्य उत्तम राहील. मानसिक स्वास्थ्य लाभेल.