आजचे राशिभविष्य आणि पंचांग - 31 डिसेंबर
पंचांग -
गुरुवार : मार्गशीर्ष कृष्ण १, चंद्रनक्षत्र पुनर्वसू, चंद्रराशी मिथुन/कर्क, सूर्योदय ७.०७ सूर्यास्त ६.०७, चंद्रोदय सायंकाळी ७.१८, चंद्रास्त सकाळी ७.४२, गुरुपुष्यामृत (सायंकाळी ७.४९ नंतर सूर्योदयापर्यंत), भारतीय सौर पौष १० शके १९४२.
- पुण्याच्या बातम्या वाचण्यासाठी येथे ► क्लिक करा
दिनविशेष -
१९७६ - होळकर दरबारची वेदशास्त्रसंपन्न ही पदवी मिळविणारे आणि कीर्तनातील प्रावीण्याबद्दल कीर्तन वाचस्पती मुरलीधरबुवा निजामपूरकर यांच्याकडून ‘कीर्तनेंदु’ पदवी मिळविणारे, श्रीराम मंदिर, तुळशीबाग पुणे चे माजी विश्‍वस्त श्री. तात्यासाहेब तुळशीबागवाले यांचे निधन.
१९५१ - शंभर वर्षांपेक्षा जास्त काळ चाललेल्या ‘ज्ञानप्रकाश’ या दैनिकाचा शेवटचा अंक प्रकाशित.
१९९७ - मराठी संगीत रंगभूमी गाजविलेले नामवंत गायक-अभिनेते स्वरराज छोटा गंधर्व यांचे निधन. त्यांचे मूळ नाव सौदागर नागनाथ गोरे. मानापमान, सौभद्र, मृच्छकटिक, विद्याहरण, संशयकल्लोळ या नाटकांमधील त्यांच्या भूमिका विशेष गाजल्या.
१९९८ - रंगभूमीवरील मानाचे ‘महिंद्र नटराज’ मानचिन्ह ज्येष्ठ गायक अभिनेते भालचंद्र पेंढारकर व प्रसिद्ध अभिनेते दिलीप प्रभावळकर यांना जाहीर.
१९९८ - वैज्ञानिक व औद्योगिक संशोधन परिषदेचे महासंचालक डॉ. रघुनाथ माशेलकर यांची जे.आर.डी.टाटा पुरस्कारासाठी निवड.
दिनमान -
मेष : उत्साह व उमेद वाढेल. काहींना प्रवासाचे योग येतील. नोकरीत उत्तम स्थिती राहील.
वृषभ : आर्थिक लाभाचे प्रमाण चांगले राहणार आहे. कौटुंबिक सौख्य लाभेल.
मिथुन : महत्त्वाची कामे उरकून घ्यावीत. थोरामोठ्यांचे सहकार्य लाभेल.
कर्क : महत्त्वाची कामे पुढे ढकलावीत. नोकरीत समाधानकारक स्थिती राहील.
सिंह : तुमच्या व्यक्‍तिमत्त्वाचा प्रभाव पडेल. सार्वजनिक कामात प्रतिष्ठा लाभेल.
कन्या : प्रॉपर्टीच्या दृष्टीने दिवस चांगला आहे. सांस्कृतिक कार्यात सहभागाची संधी मिळेल.
तुळ : तुमच्या कार्यक्षेत्रात सुसंधी लाभेल. काहींना गुरूकृपा लाभेल.
वृश्‍चिक : प्रवास शक्‍यतो पुढे ढकलावेत. जबाबदारी वाढेल. हितशत्रुंवर मात कराल.
धनु : व्यवसायात समाधानकारक स्थिती राहील. तुमचा इतरांवर प्रभाव राहील.
मकर : नवीन स्नेहसंबंध जुळतील. वैवाहिक सौख्य लाभेल.
कुंभ : हाती घेतलेल्या कामात सुयश लाभेल. संततिसौख्य लाभेल.
मीन : प्रॉपर्टी व गुंतवणुकीसाठी दिवस चांगला आहे. प्रवासाचे योग येतील.
Edited By - Prashant Patil
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.