पंचांग -

शनिवार : आषाढ कृष्ण ८, चंद्रनक्षत्र आश्विनी, चंद्रराशी मेष, चंद्रोदय रात्री १२.१६, चंद्रास्त दुपारी १२.२८, सूर्योदय ६.१३, सूर्यास्त ७.०८, कालाष्टमी, भारतीय सौर श्रावण ९ शके १९४३.

दिनविशेष -

१८६५ - मुंबईतील प्रसिद्ध कार्यकर्ते आणि दानशूर नागरिक जगन्नाथ शंकरशेट यांचे निधन. त्यांच्या स्मरणार्थ संस्कृत विषयासाठी देण्यात येणारी जगन्नाथ शंकरशेट शिष्यवृत्ती अतिशय प्रतिष्ठेची मानली जाते.

१८७२ - प्राचीन मराठी वाङ्‌मय आणि संत साहित्याचे गाढे अभ्यासक लक्ष्मण रामचंद्र पांगारकर यांचा जन्म. त्यांनी ‘मोरोपंत ः चरित्र आणि काव्यविवेचन’, ‘ एकनाथी भागवत’, ‘श्री ज्ञानेश्वर महाराज ः चरित्र व ग्रंथविवेचन’, ‘ श्री तुकाराम चरित्र’ असे ग्रंथ लिहिले.

१८८० - हिंदी-उर्दू कादंबरीकार व कथालेखक मुन्शी प्रेमचंद यांचा जन्म. त्यांचे मूळ नाव धनपतराय. त्यांनी सुमारे पंधरा कादंबऱ्या व तीनशे कथा लिहिल्या. त्यांच्या गाजलेल्या कथा-कादंबऱ्यांचे अनुवाद अनेक भारतीय व काही युरोपीय भाषांमध्ये झाले आहे.

१८८७ - आंतरराष्ट्रीय कीर्तीचे रसायनशास्त्रज्ञ प्रा. द. बा. लिमये यांचा जन्म. पुण्याच्या रानडे इन्स्टिट्यूट या संस्थेचे ते संचालक होते. ‘करंजीन’ हे द्रव्य व ‘निधोन प्रक्रिया’ या शोधांबद्दल ते प्रसिद्ध होते. पुणे विद्यापीठाने ‘डी.लिट.’ ही पदवी देऊन त्यांचा गौरव केला होता.

दिनमान -

मेष : आरोग्याच्या तक्रारी कमी होतील. मनोबल वाढविणारी घटना घडेल.

वृषभ : वाहने जपून चालवावीत. काहींना कामाचा ताण व दगदग जाणवेल.

मिथुन : तुमच्या कार्यक्षेत्रात सुसंधी लाभेल. आर्थिक लाभाचे प्रमाण समाधानकारक.

कर्क : नोकरीत समाधानकारक स्थिती. व्यवसायातील निर्णय मार्गी लागतील.

सिंह : आपल्या मतांविषयी आग्रही राहाल. दैनंदिन कामे मार्गी लागतील.

कन्या : वस्तू गहाळ होणार नाहीत याची दक्षता घ्यावी. एखादी जबाबदारी येईल.

तूळ : नवीन परिचय होतील. काहींची बौद्धिक प्रगती होईल.

वृश्‍चिक : कर्मचारीवर्गाचे सहकार्य लाभेल. काहींचा मनोरंजनाकडे कल राहील.

धनू : एखादी महत्त्वाची वार्ता समजेल. संततिसौख्य लाभेल.

मकर : कौटुंबिक सौख्य लाभेल. आरोग्य उत्तम राहील.

कुंभ : जिद्द वाढेल. नोकरीत समाधानकारक स्थिती राहील.

मीन : कौटुंबिक जीवनात विसंवाद संभवतो. मनोबल व आत्मविश्‍वास उत्तम राहील.