सातारा : सोमर्डी (ता. जावळी) येथील एका घरामध्ये सुरू असणाऱ्या जुगार अड्ड्यावर स्थानिक गुन्हे शाखेने (एलसीबी) छापा टाकून नऊ जणांना ताब्यात घेतले. त्यांच्याकडून रोख रक्कम, जुगाराचे साहित्य, मोबाईल, तीन दुचाकी असा सुमारे दोन लाख 40 हजार 700 रुपयांचा ऐवज जप्त करण्यात आला आहे.
 
चंद्रकांत विष्णू सोनवणे (वय 49, रा. सोमर्डी, ता. जावळी), आनंदराव बाबूराव जवळ (वय 50, रा. जवळवाडी, ता. जावळी), संतोष चंद्रकांत वारागडे (वय 48, रा. मेढा, ता. जावळी), प्रमोद दत्तात्रय खटावकर (वय 48, रा. कुडाळ, ता. जावळी), अशोक सोपान चिकणे (वय 49, रा. खंडाळा कन्हेरी, ता. खंडाळा), गणेश दगडू साळवी (वय 39, रा. धनकवडी बालाजीनगर पुणे), राजू विश्वनाथ मंडल (वय 38, रा. बालाजीनगर पुणे), रूपेश तुकाराम साबळे (वय 42, रा. शिवथर, ता. सातारा), दिलीप काशिनाथ कुंभार (वय 53, रा. कुंभारवाढा मेढा, ता. जावळी) अशी त्यांची नावे आहेत.

कारखान्यांमुळे वाहतूक कोंडी; प्रतिनिधींनी तत्काळ पुढाकार घ्यावा, प्रांताधिकाऱ्यांचे आदेश
 
सोमर्डी येथील एका घरामध्ये जुगार अड्डा सुरू असल्याची माहिती पोलिस अधीक्षक अजयकुमार बंसल यांना मिळाली होती. त्यानुसार त्यांनी स्थानिक गुन्हे शाखेच्या पथकाला कारवाईच्या सूचना दिल्या. त्यानुसार पथकाने सोमवारी तेथे छापा टाकला. त्या वेळी नऊ जणांना तीन पानी जुगार खेळताना पकडण्यात आले.

सहायक पोलिस निरीक्षक अनसिंग साबळे, हवालदार तानाजी माने, सतीश घाडगे, संजय शिर्के, विजय कांबळे, प्रवीण कांबळे, तसेच मेढा पोलिस ठाण्याचे सहायक पोलिस निरीक्षक अमोल माने, संजय ओव्हाळ, गजानन तोडकर यांनी ही कारवाई केली.

टपाल खात्यातील पैशावर मलवडीतील दांपत्याचा डल्ला 

Edited By : Siddharth Latkar