सातारा : शिवगान स्पर्धेमुळे शिवरायांच्या शौर्य, धैर्य, पराक्रम, बुध्दीचातुर्य, स्वयंशिस्त आदी गुणांचा प्रसार होऊन, ते अंगिकारण्याची जाणीव जागृती झाली आहे. स्पर्धा आयोजित केल्याबद्दल मी भाजप सांस्कृतिक प्रकोष्ठच्या सर्वांचे अभिनंदन करतो, असे उद्‌गार खासदार उदयनराजे भोसले यांनी काढले. शिवगान स्पर्धेच्या समारोपप्रसंगी खासदार भोसले बोलत होते. या वेळी भाजपचे प्रदेशाध्यक्ष चंद्रकांत पाटील, सांस्कृतिक सेलचे राज्य संयोजक शैलेश गोजमगुंडे, माजी आमदार कांताताई नलावडे, भरत पाटील, लक्ष्मण सावजी, उपाध्यक्ष पंकज चव्हाण, नंदेश उमप, विसू बापट, विनिता जोशी आदी उपस्थित होते. 

भाजप प्रदेशाध्यक्ष आमदार पाटील म्हणाले, ""शिवसेनेचे मुख्यमंत्री असलेल्या या आघाडी सरकारने महाराष्ट्रात आजान स्पर्धा आयोजित केली, तथापि भाजपने हिंदवी स्वराज्य संस्थापक छत्रपती शिवाजी महाराज यांचे गुणगान गाणारी शिवगान स्पर्धा आयोजित केली.'' हिंदुत्वाच्या प्रश्‍नावर भाजप आणि शिवसेनेमध्ये हा फरक आहे. हिंदू या शब्दातच सर्वधर्मसमभाव व्यापल्याचे त्यांनी सांगितले. शैलेश गोजमगुंडे यांनी मनोगत व्यक्‍त केले. स्पर्धेचे परीक्षक नंदेश उमप यांनी शिवरायांवरील पोवाडा तर स्वातंत्र्यवीर सावरकर यांची नात विनिता जोशी यांनी आरती सादर केली. 

शिवगान समूह गायन स्पर्धेत पनवेल येथील सामगंध कला केंद्र प्रथम, बीड येथील शिवकल्याण राजा संघाने व्दितीय, जळगाव येथील मुळजी जेठा महाविद्यालयाने तृतीय क्रमांकाचे, तर उत्तेजनार्थ सांगली येथील गंधर्व पृथ्वीराज माळी, ठाणे येथील स्वरश्री संघाला विभागून देण्यात आले. वैयक्‍तिक प्रकारांत नाशिकची नेहा मूर्ती प्रथम, व्दितीय व तृतीय क्रमांक अनुक्रमे रत्नागिरी येथील आदित्य लिमये आणि नागपूर येथील आकांक्षा चारभाई यांना देण्यात आला तर उत्तेजनार्थ नागपूरच्या आश्‍लेशा कुलकर्णी यांना तर जालना येथील सई ठकार यांना देण्यात आला. याचबरोबर वैयक्‍तिक पाच विजेत्यांना रोख पारितोषिके देण्यात आली.

असा बनवा शाही काजू हलवा

'त्या' प्रकरणी संजय राठोड दाेषी नाहीत; गृहराज्यमंत्र्यांची क्लिन चीट

दुर्मिळ माऊंटन इंपेरियल पारवा आढळल्याने पक्षीप्रेमींत आनंद

गोंदवल्यात जाणार आहात? थांबा! महत्वपुर्ण निर्णय वाचा 

आपला पैसा आपल्या कामी; गावांसह शेतकऱ्यांनाही फायदा

पैसे वाचवायचे आहेत? तीन अटींची अंमलबजावणी करा