भुईंज : पुणे - बंगळूर राष्ट्रीय महामार्गावरील आनेवाडी टोल नाका जि. सातारा येथे आज सकाळी कंटेनर व दुचाकीच्या झालेल्या अपघातात दुचाकी वरील महिला जागीच ठार झाली. कंटेनरने दुचाकीला फरफडत नेल्याने महिलेच्या शरीराच्या अक्षरशः चिध्या झाल्या आहे.विद्या पटवर्धन (वय ६५, रा. सांगली) असे जागीच ठार झालेल्या महिलेचे नाव आहे.

याबाबत प्राथमिक माहिती अशी, हा अपघात सकाळी ११ वाजता झाला आहे. पटवर्धन दाम्पत्य दुचाकीवरून निघाले होते. त्यावेळी दुचाकीला विरमाडे गावच्या हद्दीत कंटेनरने पाठीमागून धडक दिली. सुमारे २० मीटर कंटेनरने दुचाकीला फरफडत नेले. दरम्यान, अपघताची माहिती पोलिसांना मिळाल्यानंतर त्यांनी तात्काळ घटनास्थळी धाव घेतली. या घटनेत दुचाकीस्वार जखमी झाले असून त्यांना उपचारासाठी रूग्णालयात दाखल करण्यात आले आहे.