सातारा  : सातारा जिल्ह्यात आज 78 जणांना कोरोनाची बाधा झाल्याचे समोर आले. गत चाेवीस तासांत उपचारादरम्यान पाच रुग्णांचा मृत्यू झाल्याची माहिती जिल्हा शल्यचिकित्सक डॉ. सुभाष चव्हाण यांनी दिली. याबराेबरच 207 जणांना उपचारानंतर कोरोनामुक्त झाल्याने घरी सोडण्यात आले आहे. तसेच 332 जणांचे नमुने तपासणीसाठी घेण्यात आले आहेत.
 
क्रांतिसिंह नाना पाटील सर्वसाधारण रुग्णालयात उपचार घेताना वाढे (ता. सातारा) येथील 67 वर्षीय पुरुष, कोळकी (ता. फलटण) येथील 52 वर्षीय पुरुष, तसेच खासगी हॉस्पिटलमध्ये चिंचणेर (ता. सातारा) येथील 78 वर्षीय पुरुष, विहापूर (ता. कडेगाव, जि. सांगली) येथील 70 वर्षीय पुरुष, आणे (ता. कऱ्हाड) येथील 60 वर्षीय महिला, येथील 52 वर्षीय पुरुष अशा एकूण पाच कोविड बाधितांचा उपचारादरम्यान मृत्यू झाल्याची माहिती डॉ. चव्हाण यांनी दिली.
फरारी संशयितांचा फलटण तालुक्यात पोलिसांवर गोळीबार, एकास पकडले; दोघे पळाले
 

कोरोना अपडेट्‌स... 

नमुने घेतलेले संशयित- 2,48,107

एकूण बाधित- 51,147

घरी सोडलेले रुग्ण- 48,587

मृत्यू- 1,718

उपचार सुरू असलेले रुग्ण- 842