कास (जि.सातारा) ः कास पठार परिसरात कोरोनाचा विळखा वाढत चालला असून, कास गावातील बाधितांची संख्या आठ झाली आहे, तर कुसुंबीतील आखाडे वस्तीतील दोन दिवसांपूर्वी कोरोनाने मृत झालेल्या व्यक्तीच्या संपर्कातील त्याचा भाऊही कोरोना बाधित झाला आहे.
 
मुंबई नालासोपारा येथून 27 जूनला कासमध्ये एक कुटुंब आले. त्यातील 38 वर्षीय व्यक्तीला पहिल्यांदा त्रास झाल्याने बामणोली येथील प्राथमिक आरोग्य केंद्रात दाखल केले. तो बाधित निघाल्याने त्याच्या निकट सहवासातील लोकांना शोधून 11 जणांना रायगाव येथील विलगीकरण कक्षात दाखल केले होते. त्या अकरा जणांमधील सात व्यक्तींचे अहवाल गुरुवारी रात्री उशिरा पॉझिटिव्ह आले. त्यामुळे कास या गावात बाधितांची संख्या आठ झाली आहे. त्यामुळे प्रशासन सतर्क झाले आहे.

सरकारच्या भूमिकेच्या निषेर्धात राज्यातील ही दुकाने रविवारपर्यंत बंद राहणार

कुसुंबीतील आखाडे वस्तीतील रविवारी मुंबईवरून आलेल्या दोन व्यक्तींपैकी एका व्यक्तीचा दोन दिवसांपूर्वी जिल्हा रुग्णालयामध्ये उपचारादरम्यान मृत्यू झाला होता. त्याच्याबरोबर त्याचा भाऊही मुंबईवरून एकत्रित आला होता. त्यालाही रायगाव येथे ठेवले होते. त्याचा अहवालही पॉझिटिव्ह आल्याने आखाडे वस्तीची चिंता वाढली आहे. आज सकाळी गटविकास अधिकारी सतीश बुद्धे, ग्रामसेवक चंद्रकांत कोळी, आशासेविका, आरोग्य सेवक यांनी वस्तीला भेट देऊन आवश्‍यक उपाययोजनांची माहिती घेऊन सूचना केल्या.

शिवेंद्रसिंहराजेंनी का बरं मानले अजित पवारांचे आभार, वाचा सविस्तर
 

सातारा : या तालुक्‍यातून सहा युवक वर्षभर तडीपार 

कास पठार परिसरातील आजूबाजूच्या गावात रुग्णासंख्या मुंबईवरून आलेल्यांमुळे वाढत असल्याने स्थानिक लोकांची डोकेदुखी वाढली आहे.

संपादन - सिद्धार्थ लाटकर 

असा हवेतूनही पसरू शकतो कोरोना, WHO ने जारी केली नवीन नियमावली