फलटण शहर (जि. सातारा) : राज्यात खासगी प्रयोगशाळांमध्ये करण्यात येणाऱ्या कोरोना चाचण्यांचे दर पुन्हा एकदा सुधारित करण्यात आले असून, आता कोरोना निदानासाठी आरटीपीसीआर चाचणीसाठी 500 रुपये आकारण्यात येणार आहेत. याबरोबरच रॅपीड अँटिजेन, अँटीबॉडीज तपासणीचे दरही कमी करण्यात आले असून, अँटिजेन टेस्ट 150 रुपयांत करण्यात येणार आहे, अशी माहिती प्रांताधिकारी डॉ. शिवाजीराव जगताप यांनी दिली.
 
कोरोनाचा प्रादुर्भाव गेल्या वर्षापासून जाणवत आहे. त्या पार्श्वभूमीवर राज्य शासनाकडून खासगी प्रयोगशाळांमध्ये करण्यात येणाऱ्या कोरोना चाचणीचे दर सातत्याने निश्‍चित करण्यात येत असून, आतापर्यंत किमान पाच ते सहा वेळा या चाचण्यांच्या दरात सुधारणा करून 4500 रुपयांवरून आता नव्या सुधारित दरानुसार केवळ 500 रुपयांत ही चाचणी करणे खासगी प्रयोगशाळांना बंधनकारक असल्याचे त्यांनी सांगितले.
 
आरटीपीसीआर चाचणीसोबतच रॅपीड अँटिजेन, अँटीबॉडीज या चाचण्यांसाठी दर निश्‍चित करण्यात आले आहेत. हे दर अनुक्रमे रुग्ण स्वत: प्रयोगशाळेत आल्यास, तपासणी केंद्रावरून अथवा एकत्रित नमुने घेतल्यास आणि रुग्णाच्या घरी जावून नमुने घेतल्यास अशा तीन टप्प्यांसाठी आकारण्यात येणार आहेत. अँटीबॉडीज (एलिसा फॉर सार्स कोविड) या चाचण्यांसाठी 250, 300 आणि 400 असे दर निश्‍चित करण्यात आले आहेत.

सीएलआयए फॉर सार्स कोविड अँटीबॉडीज या चाचणीसाठी 350, 450, 550 असे दर निश्‍चित करण्यात आले आहेत. रॅपीड अँटिजेन टेस्टसाठी रुग्ण प्रयोगशाळेत तपासणीसाठी आल्यास 150, 200 आणि 300 असे दर आता निश्‍चित करण्यात आलेले आहेत, असेही प्रांताधिकारी जगताप यांनी स्पष्ट केले. 

बाजार सुपर स्प्रेडर ठरत असल्याने सुरक्षितता म्हणून बंद ठेवण्याचा निर्णय घेण्यात आला आहे

प्रतिवर्षाप्रमाणे बावधनची बगाड यात्रा उत्साहात; प्रशासनाच्या नियमांना ठेंगा

Edited By : Siddharth Latkar