सातारा : वीज कनेक्‍शन तोडल्याने महावितरणच्या कर्मचाऱ्यास धक्काबुक्की करत शिवीगाळ केल्याप्रकरणी कोंडवे (ता. सातारा) येथील आनंता लावंघरे आणि अभिषेक लावंघरे यांच्यावर काल सातारा तालुका पोलिस ठाण्यात गुन्हा नोंदविण्यात आला आहे.
कोंडवेच्या हद्दीत आनंता लावंघरे यांचे अनंतराज मल्टीपर्पज हॉल, राजदीप हॉटेल असून, त्याठिकाणचे वीज कनेक्‍शन हिराबाई पांडुरंग लावंघरे यांच्या नावे आहे. वीजबिल न भरल्याने काल वीज वितरण कर्मचारी रामदास शंकर कार्वे (रा. यवतेश्‍वर) हे कनेक्‍शन कापण्यासाठी आले होते.
कार्वे यांनी वीज कापल्याच्या रागातून आनंता पांडुरंग लावंघरे, अभिषेक आनंता लावंघरे (दोघे रा. कोंडवे, ता. सातारा) यांनी कार्वे यांना शिवीगाळ करत मारहाण केली. याची फिर्याद रामदास कार्वे यांनी सातारा तालुका पोलिस ठाण्यात नोंदवली असून, आनंता लावंघरे, अभिषेक लांवघरे यांच्यावर गुन्हा नोंदविण्यात आला आहे. याचा तपास सहायक पोलिस निरीक्षक चौधरी करीत आहेत.
RAWचा अधिकारी सांगणाऱ्या गवडीतील तोतयास सातारा पोलिसांनी देवकलात केली अटक
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.