पाचगणी : येथील शिवकालीन जागृत ग्रामदैवत श्री घाटजाई काळेश्वरीच्या दर्शनासाठी भाविकांची गर्दी वाढू लागली असून, शहरात नवरात्रोत्सवाला उधाण येऊ लागले आहे.

श्री घाटजाई व श्री काळेश्वरी येथील शिवकालीन जागृत ग्रामदैवत असून, दरवर्षी देवीची यात्रा माघ वद्य नवमीला होते. डोंगरमाथ्यावर वसलेल्या घाटजाई काळेश्वरीची यात्रा गुलाल, खोबऱ्याची होणारी उधळण आणि ढोल वाजविणाऱ्यामध्ये होणारी चढाओढ याकरिता प्रसिद्ध आहे.

दर मंगळवारी व शुक्रवारी भाविक मोठ्या संख्येने देवीच्या दर्शनासाठी जातात. घाटजाई काळेश्वरीच्या मंदिरात स्थापना झाल्यानंतरच घरोघरी घटस्थापना होत असते. घाटजाई काळेश्वरीच्या मंदिरात स्थापना झाल्यानंतरच घरोघरी घटस्थापना होत असते.

विजयादशमीदिवशी मंदिरात दर्शन घेऊन भाविक शिल्लंघनासाठी बाहेर पडतात. नवरात्रोत्सवात देवींच्या दर्शनासाठी व मंदिरातील घाटाला तिळाच्या फुलांच्या माळा अर्पण करण्यासाठी भाविक येत आहेत.