वाई (जि. सातारा) : डेक्कन एज्युकेशन सोसायटीच्या येथील द्रविड हायस्कूलच्या आवारात वठलेल्या झाडातून पेन्सिलची प्रतिकृती तयार करण्यात आली आहे. ही पेन्सिल सध्या सर्वांचेच आकर्षण ठरली आहे.
वठलेल्या झाडातूनही टाकाऊतून टिकाऊ काही तरी निर्माण होऊ शकते, अशी मुख्याध्यापक नागेश मोने यांच्या डोक्यातून भन्नाट कल्पना प्रत्यक्षात उतरली. त्यांनी शाळेत सुतारकाम करणाऱ्या उत्तर प्रदेशातील राजेश सुतार या कारागिराला हे झाड दाखवले. श्री. मोने यांनी त्यांची कल्पना त्यांना बोलून दाखवली. त्या कारागिराला ही कल्पना आवडली व त्यांनी या झाडाच्या बुंध्यापासून पेन्सिल करून देतो, असे सांगितले. त्यानी झाडाचा बुंधा रांधून पेन्सिलप्रमाणे झाडाची प्रतिकृती तयार केली. नंतर त्याला आकर्षक रंगभरण केल्याने उठावदार पेन्सिल प्रतिकृती तयार झाली.
एका वठलेल्या झाडातून तिची सुंदर प्रतिकृती तयार होईल याची कोणी कल्पनाही करू शकत नाही; परंतु द्रविड हायस्कूल नेहमीच समाजाला प्रेरणा देणारे उपक्रम राबवित असते आणि त्यातूनच ही पेन्सिलची प्रतिकृती उदयास आली. पेन्सिलची ही प्रतिकृती शाळेच्या आवारात शोभून दिसत आहे. त्यामुळे विद्यार्थ्यांना, तसेच त्यांच्या पालकांनाही प्रेरणा मिळेल यात शंका नाही, असे श्री. मोने यांनी सांगितले.
Edited By : Siddharth Latkar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.