कऱ्हाड : ज्येष्ठ स्वातंत्र्यसैनिक दादासाहेब उंडाळकर यांच्या 47 व्या पुण्यतिथीनिमित्त उद्या (ता.18) स्वातंत्र्यसैनिकांचा मेळावा होणार आहे. दादा उंडाळकर स्मारक समितीचे विश्वस्त ऍड. उदयसिंह पाटील-उंडाळकर यांनी ही माहिती दिली. स्मारक समितीचे विश्वस्त माजी प्राचार्य गणपतराव कणसे, प्रा. धनाजी काटकर उपस्थित होते.

ऍड. पाटील म्हणाले, ""माजी मंत्री विलासराव पाटील-उंडाळकर यांच्या संकल्पनेतून उंडाळे येथे दादा उंडाळकर यांच्या स्मृती दिनानिमित्त दर वर्षी मोठ्या प्रमाणात कार्यक्रमांचे आयोजन केले जाते. त्या माध्यमातून गेली 45 वर्षे प्रबोधनाचे काम सुरू आहे. मागील महिन्यात या कार्यक्रमाचे प्रवर्तक माजी मंत्री विलासकाका यांचे निधन झाले. या पार्श्वभूमीवर कार्यक्रमाची परंपरा खंडित होऊ नये, यासाठी स्वातंत्र्यसैनिक दादा उंडाळकर यांच्या 47 व्या पुण्यतिथीनिमित्त यंदा 18 फेब्रुवारीला साध्या पद्धतीने स्वातंत्र्यसैनिक मेळाव्याचे आयोजन केले आहे. 

त्यामध्ये 38 वे स्वातंत्र्य संग्राम अधिवेशन, माजी सैनिकांचा मेळावा होणार आहे. त्याच कार्यक्रमात मागील वर्षी व्याख्यानासाठी उपस्थित असणारे डॉ. गणादेवी यांच्यासह अन्य व्याख्याते आणि माजी मंत्री उंडाळकर यांचे सहा नोव्हेंबरच्या शेवटच्या भाषणाच्या संग्रहित सन्मानिकेचे प्रकाशन मान्यवरांच्या हस्ते होईल. यापुढे माजी सैनिकांचा मेळावा घेण्यात येईल. प्रा. कणसे म्हणाले, ""दर वर्षी देशभरातील महान विभूती विलासकाकांच्या प्रयत्नाने उंडाळेत येऊन विचार मांडत होते. त्यातून समाजप्रबोधन होत होते. मात्र, काकांच्या निधनाने यंदाचा कार्यक्रम साध्या पद्धतीने होत असून, त्यासाठी इचलकरंजीचे प्रसाद कुलकर्णी आणि पत्रकार संजय आवटे हे 18 फेब्रुवारीला दुपारी दोन वाजता उपस्थित राहून मार्गदर्शन करणार आहेत.''

सरकार आणि शिक्षणमंत्री जे जे सांगत आहेत त्या सर्वाचे आम्ही पालन करीत आहाेत मात्र आमच्याकडे लक्ष कधी दिला जाणार?

आनंदावर अद्याप विरजणच! कऱ्हाडात चित्रपटगृहे सुरू करण्याची मागणी

मराठी माणसाच्या हितरक्षणासाठी शिवसेनाप्रमुखांनी वक्‍तृत्वाची तलवार अखेरपर्यंत तळपत ठेवली : शंभूराज देसाई 

ऑलिंपिकवीर खाशाबा जाधवांचा अपमान महाराष्ट्र अजून किती सहन करणार?

Edited By : Siddharth Latkar