कऱ्हाड :  शहर व परिसरात दुचाकी, चारचाकी वाहन चालवणाऱ्या अल्पवयीन मुलांच्या पालकांवर कारवाई केली जात आहे. शहर पोलिस ठाण्याच्या वाहतूक शाखेने प्रत्यक्षात कारवाई सुरू केली आहे. शनिवारपासून (ता. 26) तब्बल 15 पालकांवर कारवाई झाली आहे. पालकांनी अल्पवयीन मुलांना दुचाकी चालविण्यास देऊ नये, असे आवाहन वाहतूक शाखेने केले आहे.
 
वाहतूक शाखेच्या सहायक पोलिस निरीक्षक सरोजिनी पाटील यांनी पदभार स्वीकारल्यापासून वाहतूक कोडींसह वाहतूक नियमांचे पालनाकडे लक्ष वेधले आहे. त्याचाच एक भाग म्हणून शहर पोलिसांच्या मदतीने शहरातील विविध ठिकाणी वाहन चालविणाऱ्या अल्पवयीन मुलांना पकडून त्यांच्या पालकांवर गुन्हे दाखल केले जात आहेत. विद्यानगर भागातील महाविद्यालय परिसरात वाहन चालविणाऱ्या 15 अल्पवयीन मुलांच्या पालकांवर पोलिसांनी कारवाई केली. विद्यानगर वाहतूक पोलिसांनी ही मोहीम राबवली. त्यात श्रीमती पाटील यांनी विशेष सूचना केल्या. त्यांच्यासह त्या भागात सहायक पोलिस निरीक्षक राहुल वरूटे, श्री. बाबर, फौजदार भरत पाटील यांनीही कारवाईत भाग घेतला.

बॅंक खाते उघडण्याचा प्रश्न मिटला; इच्छुकांना निवडणूक आयोगाचा दिलासा

वर्षा राऊत यांना ED ची नोटीस, जाणून घ्या संपूर्ण घटनाक्रम 

विनापरवाना 15 वाहनचालकांवर कारवाई झाली. त्यात सहा जण 18 वर्षे पूर्ण झालेले नसल्याचे पोलिसांना सापडले. त्यांच्या पालकांवर कारवाई करत गुन्हे दाखल होणार आहेत. शहरातील कोल्हापूर नाका परिसरातही या स्वरूपाची कारवाई झाली. त्या भागात वाहतूक कोंडी सोडविण्यासाठी वाहतूक शाखेने विशेष प्रयत्न केले. शहरात येणाऱ्या वाहनांची गती तपासण्यात आली. विनापरवाना वाहन चालविणाऱ्यांवर थेट दंडात्मक कारवाई झाली. त्यातही तीन अल्पवयीन मुलांनाही दुचाकी चालविताना पकडून कारवाई करण्यात आली. त्यांच्या पालकांवर गुन्हे दाखल करण्यात आले.

वेश्‍या व्यवसायासाठी आणलेल्या महिलांची पोलिसांनी केली सुटका

Edited By : Siddharth Latkar