कोरेगाव (जि. सातारा) : नगरपंचायतीच्या उपाध्यक्षपदी मंदा बर्गे यांची बिनविरोध निवड झाली आहे. संगीता बर्गे यांनी उपाध्यक्षपदाचा राजीनामा दिल्याने नवीन उपाध्यक्षाची निवड करण्यासाठी विशेष सभा बोलावण्यात आली होती.

त्यानुसार प्रांताधिकारी तथा अध्यासी अधिकारी ज्योती पाटील यांच्या प्रमुख उपस्थितीत मुख्याधिकारी विजया घाडगे यांनी व्हिडिओ कॉन्फरन्सद्वारे बैठकीचे आयोजन केले होते. या बैठकीस नगराध्यक्षा रेश्‍मा कोकरे, माजी उपाध्यक्षा संगीता बर्गे, मंदा बर्गे, अर्चना बर्गे, संजय पिसाळ, नितीन ओसवाल, प्रदीप बाचल, नागेश कांबळे, रेश्‍मा जाधव, सुलोचना फडतरे, शोभा येवले उपस्थित होते. तत्पूर्वी उपाध्यक्षपदासाठी मंदा बर्गे यांचा एकमेव अर्ज दाखल झाला.

हेही वाचा : ठाकरे कुटुंबियांच्या आवडत्या हाॅलिडे डेस्टिनेंशनला मिळाला ब वर्ग दर्जा

त्यामुळे मंदा बर्गे यांची उपाध्यक्षपदी बिनविरोध निवड झाल्याची घोषणा करण्यात आली. निवडणूक प्रक्रिया पार पडल्यानंतर अध्यासी अधिकारी पाटील यांनी नूतन उपाध्यक्षा मंदा बर्गे यांचा सत्कार केला. नगरपंचायतीच्या वतीने नगराध्यक्षा रेश्‍मा कोकरे, मावळत्या उपाध्यक्षा संगीता बर्गे यांनीही नूतन उपाध्यक्षा मंदा बर्गे यांचा सत्कार केला.

Edited By : Siddharth Latkar