सातारा : शहराचा केंद्राच्‍या स्मार्ट सिटी योजनेत (Smart City Scheme) समावेश होण्‍यासाठी पंतप्रधान नरेंद्र मोदी (Prime Minister Narendra Modi) यांना भेटणार असून त्‍याबाबत या कार्यालयाशी चर्चा झाल्‍याची माहिती खासदार उदयनराजे भोसले (MP Udayanraje Bhosale) यांनी पत्रकाव्‍दारे दिली आहे. पत्रकात म्‍हटले आहे की, जिल्ह्यातील शहरे स्मार्ट बनविण्‍यासाठी आम्ही आग्रही आहोत. केंद्राच्‍या स्वच्छ भारत अभियानामुळे (Swachh Bharat Abhiyan) अनेक गावे ओडीएफ आणि ओडीएफ प्लस होत आहेत. (MP Udayanraje Bhosale Will Meet Prime Minister Narendra Modi To Include Satara In The Smart City Project)

तसेच स्मार्टसिटीसाठी अनेक नवनवीन स्मार्ट संकल्पना (Smart concept) आणि उपक्रम राबवावे लागतील. या संकल्‍पनांचा फायदा सर्वसामान्‍यांना होईल. सातार्‍याचा समावेश स्‍मार्टसिटीत व्‍हावा याकरिता पंतप्रधान नरेंद्र मोदी यांना भेटून विशेष विनंती करणार आहोत. सातार्‍यावर मोदी यांचे विशेष प्रेम असल्‍याचेही त्‍यांनी पत्रकात नमूद केले आहे. जिल्‍ह्यात अकरा धरणे असून अनेक ठिकाणी छोटेमोठे बंधारे, के.टी. वेअर आहेत. भौगालिक परिस्थितीमुळे पश्‍चिमभाग अतिवृष्टीचा आणि पूर्वभाग अवर्षणग्रस्त आहे. याचा विचार करून, पॉटेबल वॉटरचा प्रायोगिक तत्वावरील प्रकल्प सातार्‍यात राबविणेत येणार आहे. त्‍यासाठी केंद्रीय जलशक्ती मंत्री गजेंद्रसिंह शेखावत यांची भेट घेऊन तसा प्रस्‍ताव देखील त्‍यांना देणार असल्‍याचेही उदयनराजे यांनी पत्रकात नमूद केले आहे.

जिल्हाधिकारी शेखर सिंह 'या' 25 प्रश्‍नांची उत्तरं द्या; खासदार उदयनराजेंचं थेट आव्हान

MP Udayanraje Bhosale Will Meet Prime Minister Narendra Modi To Include Satara In The Smart City Project