सातारा : पुनर्वसनाचा तक्रारी अर्ज निकाली काढण्यासाठी दहा हजार रुपयांची लाच घेणाऱ्या तासगाव (ता. सातारा) येथील मंडलाधिकारी संतोष शिवाजी झनकर याला सातारा लाचलुचपत प्रतिबंधक विभागाने सोमवारी रात्री सातारा येथील शकुनी गणेश मंदिराच्या पाठीमागील मैदानात पकडले. झनकर याला ताब्यात घेतले आहे. रात्री उशिरापर्यंत त्याच्या घराची झडती घेण्याचे काम एसीबी आणि सातारा शहर पोलिस करत होते.
 
याबाबत माहिती अशी, की तासगाव (ता. सातारा) येथे कार्यरत असणारा मंडलाधिकारी संतोष शिवाजी झनकर (रा. गुरुवार पेठ, सातारा) याच्याकडे पुनर्वसनाच्या अनुषंगाने एक अर्ज आला होता. तो अर्ज निकाली काढावा म्हणून तक्रारदार सातत्याने प्रयत्न करत होता. मात्र, झनकर कार्यवाही करत नव्हता. दहा हजार रुपये लाच देण्याचे मान्य केल्यानंतर झनकर अर्ज निकाली काढण्यास तयार झाला.

याची तक्रार नोंद केल्यानंतर त्याची शहानिशा करून झनकरला पकडण्यासाठी आज सायंकाळी शकुनी गणेश मंदिराजवळ सापळा रचण्यात आला. या सापळ्यावेळी झनकर याला दहा हजार रुपये घेतल्यानंतर एसीबीच्या पथकाने पकडले. त्याला ताब्यात घेण्यात आले असून, त्याची चौकशी करण्याचे काम सुरू होते. 

आला रुग्ण की पाठवा कऱ्हाडला; ढेबेवाडी आरोग्यत 14 वर्षांनंतरही सुविधांची वानवाच!

पुण्यातील कुख्यात गुंड गजा मारणेला पकडणाऱ्या जांबाज पोलिसांना गृहराज्यमंत्र्यांचा कडक सॅल्यूट

चुलत भावांवर काळाचा घाला; भोर-नीरेला जाणाऱ्या एसटीच्या धडकेत खंडाळ्यातील दोघांचा मृत्यू

साताऱ्यात आरटीओ कार्यालयालगतच्या 12 टपऱ्यांवर पालिकेचा हातोडा

..अखेर यवतेश्‍वरात सापडलेल्या मोबाईलवरुन मानवी सांगाड्याचे गुढ उलगडले

Edited By : Siddharth Latkar