सातारा : महाबळेश्‍वर व पाचगणी या ठिकाणी 31 डिसेंबर साजरा करण्यासाठी रात्री दहा वाजल्यानंतर बंदी घालण्यात आली आहे. कायदा व सुव्यवस्थेच्या अनुषंगाने निर्बंध घालत उल्लंघन करणाऱ्या संबंधिताविरुद्ध दंडात्मक तरतुदीनुसार कायदेशीर कारवाई करण्यात येणार असल्याचे आदेश जिल्हाधिकारी शेखर सिंह यांनी दिले आहेत.
 
दर वर्षी 31 डिसेंबरला महाबळेश्‍वर व पाचगणी या ठिकाणी राज्य व राज्याबाहेरील पर्यटक मोठ्या संख्येने हजेरी लावतात. मात्र, यंदा कोरोनाच्या संसर्गामुळे सार्वत्रिक सर्वच कार्यक्रमांना बंदी घालण्यात आली आहे. महाबळेश्‍वर येथे 31 डिसेंबरला नाईट पार्ट्या, ऑर्केस्ट्रा व हॉटेलिंग सुरू ठेवत रात्रभर धिंगाणा घातला जातो. मात्र, यंदा कोरोनाच्या संसर्गाचा प्रादुर्भाव रोखण्यासाठी प्रशासनाने कडक भूमिका घेत महाबळेश्‍वर व पाचगणीतील रात्री दहानंतरच्या सर्व कार्यक्रमास बंदी घातली आहे. त्यामुळे कोरोनाचा प्रसार रोखण्यास निश्‍चितपणे मदत होईल असा विश्वास प्रशासनास वाटत आहे.

शिष्यवृत्तीच्या बहाण्याने विद्यार्थ्यांच्या पालकांना गंडा!

टेबललॅण्ड, सिडने पॉईंटसह वेण्णालेकच्या सुशोभिकरणाचा आराखडा तयार; काेट्यावधींचा निधी

कोरोना विषाणूचा प्रादुर्भाव व कायदा-सुव्यवस्थेच्या अनुषंगाने सातारा जिल्ह्यातील हॉटेल, रेस्टॉरंट व ढाबे रात्री 11 वाजल्यानंतर सुरू ठेवण्यास बंदी घालण्यात आल्याचे आदेश जिल्हाधिकारी शेखर सिंह यांनी दिले आहेत. मात्र, या आदेशामधून राष्ट्रीय महामार्गावर असणारे हॉटेल, रेस्टॉरंट ढाबे वगळण्यात आले आहेत. या आदेशाचे उल्लंघन करणाऱ्या संबंधितांविरुद्ध दंडात्मक तरतुदीनुसार कायदेशीर कारवाई करण्याचे आदेश देण्यात आले आहेत.