भिलार (जि. सातारा) : गोडवली (ता. महाबळेश्वर) येथील बांधकाम व्यावसायिकाच्या जेसीबीवर चालक असणाऱ्यानेच रोख रक्कम व वस्तू चोरून पोबारा केल्याचा गुन्हा दाखल होताच पोलिसांनी सहा तासांतच संशयिताला गजाआड केले.
 
याबाबत पाचगणी पोलिस ठाण्यातून मिळालेली माहितीनुसार फिर्यादी प्रशांत अशोक मोरे यांच्याकडे जेसीबी चालक म्हणून गणेश सहदेव नाईक (रा. हुडको कॉलनी, विजापूर, कर्नाटक) हा काम करीत होता. गणेश याने मोरे यांच्या मोटारसायकलच्या डिकीतून रात्रीच्या वेळी 15 हजार रुपये रोख रक्कम व गॅस रेग्युलेटर आणि अन्य वस्तू घेऊन पळून गेला. 

पाच राज्यात निवडणुका सुरू आहेत, म्हणून वित्त मंत्रालयाने निर्णय बदला का?; काॅंग्रेसच्या बड्या नेत्याची अर्थमंत्र्यांवर टीका

त्याचा शोध त्यांनी घेतला; परंतु तो न सापडल्याने पोलिस ठाण्यात तक्रार दिल्यावर पोलिस हवालदार रसाळ, पोलिस नाईक कांबळे व पोलिस शिपाई कदम यांनी तांत्रिक तपास करून सीसीटीव्ही पाहून शिरवळ (ता. खंडाळा) येथे गणेश असल्याची माहिती मिळवली. शिरवळ परिसरामध्ये शोध घेऊन काही तासांतच त्यास पकडले. सहायक पोलिस निरीक्षक सतीश पवार यांच्या मार्गदर्शनाखाली या पथकाने ही कामगिरी केली आहे. 

टोलचे भूत मानगुटीवरून उतरणार कधी?; उदयनराजेंसह महाविकास आघाडीतील नेत्यांची भूमिका ठरणार महत्त्वाची!

दिवाळखोरीत गेलेल्या कराड बॅंकेच्या 42 हजार ठेवीदारांचे पैसे परत मिळणार; रिझर्व्ह बॅंकेकडे 400 कोटींचे प्रस्ताव

संपादन : बाळकृष्ण मधाळे