सातारा : जिल्हा पोलिस दलात उपनिरीक्षकपदी कार्यरत असणाऱ्या भरत ज्ञानदेव नाळे यांना उत्कृष्ट सेवा बजावल्याबद्दल राष्ट्रपती पदक जाहीर करण्यात आले आहे. पदक जाहीर झालेले नाळे हे कोरेगाव उपविभागीय पोलिस अधिकारी कार्यालयात सध्या कर्तव्यास आहेत.
राज्यातील 57 पोलिस अधिकारी, कर्मचाऱ्यांना राष्ट्रपतीपदक जाहीर झाले असून त्याबाबतचे निवेदन केंद्रीय गृह विभागाच्या वतीने नुकतेच प्रसिध्द झाले आहे. राष्ट्रपतीपदक प्राप्त अधिकारी, कर्मचाऱ्यांमध्ये जिल्हा पोलिस दलातील नाळे यांचा समावेश आहे. नाळे हे 1983 साली पोलिस दलात शिपाईपदी भरती झाले होते. यानंतर त्यांना खात्यांतर्गत विविध पदांवर पदोन्नती मिळाली. 2013 साली खात्यांतर्गत परीक्षेत उत्तीर्ण झाल्यानंतर नाळे यांना पोलिस उपनिरीक्षकपदी बढती मिळाली. नाळेंनी सातारा शहर, सातारा तालुका, कराड शहर, मुख्यालयात सेवा बजावली आहे.
नाळे सध्या कोरेगाव उपविभागीय पोलिस अधिकारी यांच्या कार्यालयात उपनिरीक्षकपदी कार्यरत आहेत. त्यांना या काळात केलेल्या उल्लेखनीय कामकाजाबद्दल राष्ट्रपती उत्कृष्ट सेवा पदक आज जाहीर झाले. याबद्दल त्यांचे सर्वत्र अभिनंदन होते. कोरेगाव हे नाळे यांचे मुळ गाव आहे.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.