कऱ्हाड - निवडणुकीसाठी मी कोणाचे आव्हाण समजत नाही. माझी लढाई तत्वाची आहे. लोकशाहीच्या माध्यमातुन निवडणुकीला सामोरे जावे. रडीचा डाव खेळु नये. खोट्या केसेस दाखल करुन राजकारणात कोणाचा आवाज दाबणे याला लोकशाही म्हणत नाहीत.

खोट्या केसेस टाकुन दाबण्याचे प्रयत्न केला तरी सत्य मरत नसते. लोकांच्या न्यालायात जावुया. सर्व प्रकरणाचा उपयोग करुन राजकीय वापर करण्याचा प्रयत्न करत आहात की काय अशी शंका येते असा पलटवार महाविकास आघाडीचे उमेदवार आमदार शशिकांत शिंदे यांनी खासदार उदयनराजे भोसले यांच्यावर केला.

महाविकास आघाडीचे राष्ट्रवादी काँग्रेस शरदचंद्र पवार पक्षाचे सातारा लोकसभेचे उमेदवार आमदार शशिकांत शिंदे यांची उमेदवारी जाहीर झाल्यानंतर प्रथमच त्यांनी आज गुरुवारी कऱ्हाडचा दौरा केला.

त्यादरम्यान त्यांनी पत्रकारांशी संवाद साधला. आमदार बाळासाहेब पाटील, सत्यजितसिंह पाटणकर व पदाधिकारी उपस्थित होते. सातारा जिल्ह्याला कोणत्याही जातीयवादी पक्षाची दृष्ट लागु नये यासाठी यशवंतराव चव्हाण यांच्या विचाराचे व्हीजन घेवुन पुढे जाणार आहे असे सांगुण आमदार शिंदे यांनी अभ्यासु लोकप्रतिनिधी म्हणुन, काम करणारा पदाधिकारी म्हणुन काम करणार आहे असे सांगितले.

खासदार उदयनराजे भोसेल यांचे समोर आव्हाण आहे. त्या प्रश्नावर आमदार शिंदे म्हणाले, मी कोणाचे आव्हाण समजत नाही. माझी लढाई कोणत्या उमेदवाराशी किंवा कोणत्या नावाशी नाही. माझी लढाई तत्वाची आहे. आम्ही आव्हाण समजतच नाही. अनेक वर्षापासुन सातारा जिल्ह्याला तोडण्याचा फोडण्याचा प्रयत्न झाला. मात्र त्यात यश आले नाही. आत्ताही पक्ष फोडुन हा जिल्हा काबीज करण्याचा प्रयत्न होतोय.

मात्र त्याला लोकांतुन प्रतिसाद मिळत नाही. आमच्याकडे सक्षम उमेदवार होते. उमेदवारीसाठी श्रीनिवास पाटील यांना विनंती केली होती. मात्र त्यांनी प्रकृतीच्या कारणास्तव असमर्थता व्यक्त केली. पक्षाकडुन मला लढावे लागेल असे सांगण्यात आले. त्यामुळे मी उमेदवार म्हणुन लढायला उभा राहिलो आहे.

खासदार भोसले यांनी महाविकास आघाडीच्या उमेदवाराला मतदार संघात फिरणेही शक्य होणार नाही अशी टिका करुन काही प्रकरणे लवकरच पुढे येतील असा इशारा दिला होता. त्यावर ते म्हणाले, मी बारा महिने काम करतो. सातारा जिल्ह्यातील जमसामान्यात माझा संपर्क आहे. जे कोण म्हणत असतील त्यांचा निवडणुकीपुरताच संपर्क आहे का हे जनता ठरवेल.

लोकशाहीच्या माध्यमातुन निवडणुकीला सामोरे जावे. रडीचा डाव खेळु नये. खोट्या केसेस दाखल करुन राजकारणात कोणाचा आवाज दाबणे याला लोकशाही म्हणत नाहीत. आमची लढाई हुकुमशाही, अधिकाराचा वापर करुन लोकांना दबावाच्या राजकारणात ओढण्याचा प्रयत्न केला जातो त्याविरोधात आहे.

सातारा जिल्हा हा स्वाभिमानी आहे. आम्ही निष्ठावंत आहोत. खोट्या केसेस टाकुन दाबण्याचे प्रयत्न केला तरी सत्य मरत नसते. लोकांच्या न्यायालयात जावुया. सर्व प्रकरणाचा उपयोग करुन राजकीय वापर करण्याचा प्रयत्न करत आहात की काय अशी शंका येते.