सातारा : मोदी सरकारने कृषीविषयक शेतकरीविरोधी मंजूर कायद्याविरोधात दिल्लीच्या सीमेवर लाखो शेतकरी रस्त्यावर उतरले आहेत. या शेतकऱ्यांसोबत चर्चा न करता आंदोलन चिरडण्याचा प्रयत्न करत असल्याने केंद्र सरकारचा निषेध करण्यासाठी कॉंग्रेसतर्फे जिल्हा कॉंग्रेस समितीसमोर नुकतेच आंदोलन करण्यात आले. 

याप्रसंगी कॉंग्रेसचे जिल्हाध्यक्ष डॉ. सुरेश जाधव, जिल्हा महिला कॉंग्रेस अध्यक्षा धनश्री महाडिक, रजनी पवार, सुषमा राजेघोरपडे, मनोजकुमार तपासे, अन्वर पाशा खान, माधुरी जाधव, ऍड. दत्तात्रय धनावडे, रझिया शेख, रिजवान शेख, सूरज कीर्तीकर, शरद मोरे व इतर पदाधिकारी, कार्यकर्ते उपस्थित होते. डॉ. जाधव म्हणाले, "केंद्र सरकारच्या तीन कृषीविषयक कायद्यांविरोधात शेतकरी रस्त्यावर उतरले आहेत. या कायद्यामुळे शेतकऱ्यांचे मोठ्या प्रमाणात आर्थिक नुकसान होणार आहे. या कायद्याविषयी मोदी सरकारने शेतकऱ्यांसोबत चर्चा न करता आंदोलनातील शेतकऱ्यांना मारहाणीचा प्रकार घडवून आणला. या घटनेचा कॉंग्रेसने तीव्र निषेध करत शेतकऱ्यांच्या आंदोलनाला पाठिंबा दिला आहे.'' 

क-हाडात रात्रभर टाळ वाजवून स्वाभिमानीने छेडले जागर आंदोलन

संपादन : बाळकृष्ण मधाळे