सातारा : गेल्या तीन महिन्यापासून कोरोना बाधितांच्या आकड्यात झपाट्याने वाढ होताना दिसत आहे. जिल्ह्यात मागील सहा महिन्याच्या तुलनेत दुसऱ्या टप्प्यातील सर्वाधिक 532 रुग्ण आज आढळले असून, चार बाधितांचा मृत्यू झाला आहे. जिल्ह्यातील वाढती रुग्णसंख्या चिंताजनक असून, कोरोना नियमांचे उल्लंघन होत आहे. त्यामुळे सार्वजनिक ठिकाणी गर्दीवर नियंत्रण ठेवण्यासाठी प्रशासनाने कडक भूमिका घेण्याची गरज आहे. 

गेल्या वर्षी मार्च महिन्यापासून कोरोनाचा प्रादुर्भाव वेगाने वाढत होता. त्यानंतर ऑक्‍टोबरनंतर कोरोनाचे मृत्यू व बाधितांच्या संख्येत घट झाली. जानेवारी महिन्यापर्यंत दररोज सरासरी 60 ते 80 बाधित रुग्ण आढळत होते. मात्र, गेल्या महिनाभरापासून 250 ते 350 च्या जवळपास बाधित रुग्ण सापडत असल्याने नागरिकांमध्ये भीतीचे वातावरण निर्माण झाले आहे. दरम्यान, जिल्ह्यातील कऱ्हाड, खंडाळा, फलटण, वाई ही तालुके हॉट्‌स्पॉट असून या ठिकाणी निर्बंध कडक केले असून, प्रशासन सतर्क झाले आहे. 

केंद्राला सहकारी साखर कारखानदारी मोडीत काढायची आहे का?; गृहराज्यमंत्र्यांचा मोदी सरकारला सवाल

दरम्यान, आज जिल्ह्यात क्रांतिसिंह नाना पाटील रुग्णालयात सदरबझार सातारा येथील 58 वर्षीय पुरुष, तारळे (ता. पाटण) येथील 65 वर्षीय पुरुष, मोर्वे (ता. खंडाळा) येथील 72 वर्षीय पुरुष व खासगी हॉस्पिटलमध्ये करंजे (जि. पुणे) येथील 57 वर्षीय पुरुष अशा एकूण चार बाधितांचा उपचारादरम्यान मृत्यू झाल्याची माहिती जिल्हा शल्यचिकित्सक डॉ. सुभाष चव्हाण यांनी दिली. 

पाच राज्यात निवडणुका सुरू आहेत, म्हणून वित्त मंत्रालयाने निर्णय बदला का?; काॅंग्रेसच्या बड्या नेत्याची अर्थमंत्र्यांवर टीका

कोरोना अपडेट्‌स 

• एकूण नमुने : 4,06,322 
• एकूण बाधित : 66,063 
• घरी सोडण्यात आलेले रुग्ण : 60,217 
• एकूण मृत्यू : 1,910 
• उपचारार्थ रुग्ण : 3,936 

माणमधील गावागावांत कोरोनाचा शिरकाव; तालुक्‍यात 96 पैकी 46 गावांमध्ये बाधित

रुग्णसंख्या वाढली तर लॉकडाउन करण्याशिवाय पर्याय उरणार नाही : आमदार पाटील

संपादन : बाळकृष्ण मधाळे