मुंबई- सातारा जिल्ह्यातील कृष्णा प्रकल्पाच्या फेरजल नियोजनास राज्य सरकारने मान्यता दिली आहे. उपमुख्यमंत्री देवेंद्र फडणवीस यांनी सोशल मीडियावर पोस्ट करुन याची माहिती दिली आहे.सातार्‍यातील दुष्काळप्रवण तसेच जे भाग पाण्यापासून संपूर्णपणे वंचित आहेत अशा भागांना याचा मोठा फायदा होणार असल्याचं फडणवीस म्हणाले आहेत.

फडणवीस म्हणाले की, मला हे सांगताना अतिशय आनंद होतो की, सातारा जिल्ह्यातील कृष्णा प्रकल्पाच्या फेरजल नियोजनास मुख्यमंत्री एकनाथजी शिंदे यांच्या नेतृत्त्वातील आमच्या सरकारने मान्यता दिली असून, त्यासंबंधीचा आदेशही जारी करण्यात आला आहे. (krishna river water planning for drought prone area)

सातार्‍यातील दुष्काळप्रवण तसेच जे भाग पाण्यापासून संपूर्णपणे वंचित होते, त्या परिसराला यामुळे कृष्णा प्रकल्पाचे पाणी उलपब्ध होणार आहे. 2 टीएमसी अतिरिक्त पाणी उपलब्ध होणार असून मुख्यत्त्वे 4 तालुक्यातील 9000 हेक्टरला यामुळे सिंचन मिळणार आहे, अशी माहिती देवेंद्र फडणवीस यांनी दिली.

यात सातारा, कोरेगाव, माण आणि खटाव तालुक्यांचा समावेश आहे. स्व. लक्ष्मणराव इनामदार उपसा सिंचन योजना सुद्धा यामुळे लाभान्वित होणार आहे.सातारा जिल्ह्यातील विशेषत: या तालुक्यांमधील शेतकर्‍यांचे मी अतिशय मनापासून अभिनंदन करतो!, असंही फडणवीस म्हणाले. (Latest Marathi News)