कऱ्हाड (जि. सातारा) : शहरात कमी जाडीच्या प्लास्टिक पिशव्यांच्या वापरावर कडक कारवाईची मोहीम कऱ्हाड पालिकेने राबवण्यास सुरुवात केली आहे. त्याअंतर्गत शहरातील दोन विक्रेत्यांवर कारवाई करुन प्रत्येकी पाच हजारांचा दंड पालिकेच्या पथकाने ठोठावला. त्यामुळे प्लास्टिक वापरणारे दुकानदार व हातगाडा व्यावसायिक चांगलेच धास्तावले आहेत.

शहरातील बाजारपेठ कोरोनानंतर पूर्वपदावर येत आहे. त्यामुळे बाजारपेठेत गर्दी वाढत आहे. बाजारपेठेत सध्या अनेक ठिकाणी दुकानांत कमी जाडीच्या प्लॉस्टिक पिशव्या वापरात असल्याचे दिसत आहे. त्याचबरोबर, हातगाड्यावरही त्या वापरात असल्याचे निदर्शनास येत आहे. त्याची दखल घेवून कऱ्हाड पालिकेच्या पथकाने बुधवार पेठेतील शिवाजी क्लॉथ मार्केट समोरील फळ विक्रेत्या हातगाड्यावर ५० मायक्रॉनपेक्षा कमी जाडीच्या प्लास्टिकच्या पिशव्या वापरात असल्याचे निदर्शास आले. पथकातील राम भिसे व त्यांच्या सहकाऱ्यांनी संबंधित हातागाडा व्यावसायिकांकडून त्या पिशव्या जप्त केल्या. त्या पालिकेत नेण्यात आल्या. तेथे त्या हातगाडा व्यावसायिकांना प्रत्येकी पाच हजारांचा दंड करण्यात आला. प्लास्टिक पिशव्या वापरु नये, असेही आवाहन पालिकेच्यावतीने करण्यात आले आहे.

कऱ्हाड तालुक्‍यातील सर्वात मोठ्या उंब्रज ग्रामपंचायतीत महाविकास-भाजपमध्ये कांटे की टक्कर?

संपादन : बाळकृष्ण मधाळे