मल्हारपेठ (जि. सातारा) : एल ऍण्ड टी कंपनीच्या चुकीच्या कारभारामुळे सकाळपासून कऱ्हाड-चिपळूण मार्गावर ऐन बाजारादिवशी दिवसभर वाहतुकीची कोंडी पाहायला मिळाली. पोलिस यंत्रणाही हतबल झाल्याने एकेरी वाहतुकीचा बोजवारा उडाला. त्यामुळे वाहनधारकांना ताटकळत थांबावे लागले, तर अनेकांना एक किलोमीटरची पायपीट करत बाजार गाठवा लागला. 

कऱ्हाड-पाटण महामार्गचे रस्ता रुंदीकरण सुरू आहे. मल्हारपेठमधील पोलिस ठाणे ते विहे घाटादरम्यान एक लाइन रस्ता पूर्ण झाला आहे. दुसऱ्या लाइनचा मुहूर्त कंपनीने 20 दिवसांनंतर मल्हारपेठच्या बाजारा दिवशी काढला. अपुऱ्या रस्त्यामुळे वाहने अडकून पडली. बाजाराच्या दिवशीच सकाळपासून वाहतूक जाम झाल्याने पोलिसांची ताराबळ उडाली. वाहतूक सुरळीत करण्यासाठी हाकेच्या अंतरावर पोलिस चौकी असूनही पोलिसांची अनुपस्थिती चर्चेची ठरली. सायंकाळी चार वाजता काही पोलिस रस्त्यावर वाहतूक सुरळीत करताना दिसले. 

Video : आश्‍चर्य..! सूर्याचीवाडीत चक्क पट्टेरी हंस; फ्लेमिंगोचे आगमन लांबले

संपादन : बाळकृष्ण मधाळे