कऱ्हाड (जि. सातारा) : रंगपंचमीचा उत्साह शहरासह ग्रामीण भागात साजरा करत असतानाच शुक्रवारी दुपारी दोनच्या सुमारास कराड रेल्वे स्थानकावरील मुख्य इलेक्ट्रिक लाईनवर एक व्यक्ती चढल्याचे काही नागरिकांच्या निर्दशनास आले. यामुळे एकच खळबळ उडाली. 

तत्काळ रेल्वे प्रशासन व पोलिस प्रशासनाला याची माहिती देण्यात आल्यानंतर स्थानिक नागरिक, रेल्वे पोलिस प्रशासनाने त्या व्यक्तीस खाली उतरविले. सुदैवाने विद्युत प्रवाह सुरू नसल्यामुळे नागरिकांना त्या व्यक्तीचे प्राण वाचविता आले. सदरची व्यक्ती मनोरुग्ण असून मूळची झारखंड येथील रहिवाशी असल्याचे नातेवाईकांनी सांगितले. याबाबतचा अधिक तपास संबधित प्रशासन करत आहे.

अंगापूर वंदनची यात्रा दुसऱ्या वर्षीही रद्द; साताऱ्यात जमावबंदी लागू

संगममाहुलीत कृष्णा नदीपात्रातून वाळू चोरणाऱ्या पाच जणांना साताऱ्यात अटक

पोलिसांच्या नाकावर टिचून वाईत बगाड यात्रा; बावधनातील 104 जणांवर गुन्हा, 83 जणांना अटक

संपादन : बाळकृष्ण मधाळे