दहिवडी (जि. सातारा) : दहिवडी नगरपंचायतीच्या उपाध्यक्षपदी नीलम शिवाजी शिंदे यांची बिनविरोध निवड करण्यात आली. सुप्रिया शिंदे यांनी उपाध्यक्षपदाचा राजीनामा दिल्यानंतर रिक्त पदासाठी निवडणूक झाली. 

सत्ताधारी पॅनेल अंतर्गत ठरल्यानुसार निर्धारित वेळेत नीलम शिंदे यांचा एकमेव अर्ज उपाध्यक्षपदासाठी दाखल झाला. या अर्जावर साधना गुंडगे यांनी सूचक, तर सतीश जाधव यांनी अनुमोदक म्हणून सह्या केल्या. त्यानंतर प्रांताधिकारी शैलेश सूर्यवंशी यांनी नीलम शिंदे यांची बिनविरोध निवड जाहीर केली. 

साताऱ्यात बांधकाम व्यावसायिकांची धरणे; सिमेंटसह स्टील दरवाढीचा निषेध

या वेळी नगराध्यक्ष धनाजी जाधव, मुख्याधिकारी अवधूत कुंभार, माजी नगराध्यक्ष दिलीप जाधव, साधना गुंडगे, सतीश जाधव, नगरसेवक समीर योगे, वैशाली कदम, ललिता जाधव, अर्चना खरात, सुप्रिया शिंदे, जयश्री कोकरे, लिंगराज साखरे आदी उपस्थित होते. या निवडीबद्दल नीलम शिंदे यांचे आमदार जयकुमार गोरे, ऍड. भास्करराव गुंडगे, माजी पंचायत समिती सभापती अतुल जाधव, अरुण गोरे, अर्जुन काळे, अतुल शिंदे, महेश कदम, रवींद्र सकुंडे, लालासाहेब ढवाण, विजय खरात आदींनी अभिनंदन केले. 

संपादन : बाळकृष्ण मधाळे