कऱ्हाड (जि. सातारा) : शिवनगर येथील कृष्णा सहकारी साखर कारखान्याच्या निवडणुकीच्या पार्श्वभूमीवर झालेली ऑनलाइन वार्षिक सर्वसाधारण सभेत अविनाश मोहिते आणि भोसले गटाकडून झालेल्या आरोप-प्रत्यारोपाने वातावरण ढवळून निघाले असताना कारखान्याचे माजी अध्यक्ष व मोहिते गटाचे नेते डॉ. इंद्रजित मोहिते शांत आहेत. त्यांनी कोणतीच जाहीर भूमिका घेतलेली नसल्याने त्यांचा गटही संभ्रमावस्थेत आहे.
मोहिते गटाचे नेते मदनराव मोहिते हे भोसले गटात समील होऊन त्यांनी भोसलेंच्या प्रचाराचे शिवधनुष्य उचलले आहे. त्यावरही डॉ. मोहिते व्यक्त झालेले नाहीत किंवा कोणतीच स्पष्ट भूमिका मांडलेली नाही. त्यामुळे कार्यकर्तेही बुचकुळ्यात आहेत. कृष्णा कारखान्याची वार्षिक सभा नेहमी वादळी ठरते. यंदा ऑनलाइनमुळे सभा शांततेत झाली. मात्र, दोन्ही गटांच्या आरोप- प्रत्यारोपांनी वातावरण ढवळले. त्या सगळ्यात मोहिते गटाचे नेते डॉ. इंद्रजित मोहिते अलिप्त आहेत. त्यांचा अलिप्तपणा बऱ्याच गोष्टी स्पष्ट करणारा असला, तरी गटातील समर्थकांना तो संभ्रमावस्थेत टाकणारा आहे.
त्यापूर्वीच दोन दिवसांपूर्वी मोहिते गटाचे नेते मदनराव मोहिते भोसले गटाच्या प्रचारात सक्रिय झाले आहेत. श्री. मोहिते यांनी शेणोलीच्या जाहीर सभेत डॉ. सुरेश भोसले यांच्यावर स्तुतीसुमने उधळली. त्यावरही चकार शब्दाचीही प्रतिक्रिया डॉ. मोहिते यांनी दिलेली नाही. वार्षिक सभा झाली त्यावरही जाहीर काहीही प्रतिक्रिया नाही, मदनदादांची भोसले गटाकडून एन्ट्री झाली. त्यावरही काहीही प्रतिक्रिया नाही, अविनाश मोहिते- डॉ. मोहिते यांच्या एकत्रीकरणावरही डॉ. मोहिते यांची काहीही प्रतिक्रिया नाही. त्यामुळे डॉ. मोहिते यांचा कृष्णा काठावरील समर्थकच सध्या बुचकुळ्यात पडला आहे.
थोडे थांबा अन् पाहा...
डॉ. इंद्रजित मोहिते व अविनाश मोहिते यांचे एकत्रीकरण सुरू आहे. त्याबाबत परवा झालेल्या पत्रकार परिषदेत अविनाश मोहिते यांना छेडले असता श्री. मोहिते यांनी थोडे थांबा आणि पाहा असे उत्तर दिले. त्याच वेळी महाविकास आघाडी कृष्णात झाली, तर ती मान्य असेल काय, यावरही श्री. मोहिते यांनी थांबा अन् पाहा असेच उत्तर दिले. त्यामुळे कृष्णाच्या रणांगणात राजकीय हालचाली गतिमान होत आहेत, असेच म्हणावे लागेल.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.