फलटण शहर (जि. सातारा) : फलटणकरांना प्रतीक्षा असणारी फलटण-पुणे रेल्वेचा प्रारंभ 30 मार्चला केंद्रीय रेल्वेमंत्री पियुष गोयल यांच्या हस्ते होणार असल्याची माहिती खासदार रणजितसिंह नाईक-निंबाळकर यांनी येथे पत्रकार परिषदेत दिली. आपण अल्पावधीत मोठी विकासकामे केल्याने रामराजेंना पोटशूळ उठला असून त्यांच्या लबाडीला मर्यादा नाहीत. फलटण-आदर्की रस्त्यास आपल्या प्रयत्नाने निधी मंजूर झाला असून वर्षभरापूर्वी आपण या रस्त्याची घोषणा केली होती, असा दावाही त्यांनी केला. 

फलटण तालुका व माढा लोकसभा मतदारसंघातील जनतेचे प्रश्न सोडविण्यासाठी मी कटिबध्द आहे. रणजितसिंह म्हणाले, ""नीरा-देवघर पाणीप्रश्न, रेल्वे, एमआयडीसी व रस्ते या मुद्द्यांवर आपला भर आहे. फलटण येथे लोणंद- फलटण या रेल्वेचा प्रारंभ झाला होता. त्याच वेळी आपण फलटण ते आदर्की, फलटण-शिंगणापूर-शेणोली फाटा या मार्गांना आपल्या प्रयत्नाने मंजुरी मिळाल्याचे सांगितले होते. या रस्त्यांसाठी 880 कोटींची तरतूद केली आहे. त्या व्यतिरिक्त अन्य 76 कोटींचा निधीही मंजूर करून आणला असून लवकरच त्या कामांची यादी जाहीर करू.'' 

World Water Day 2021 : हर घर नल से जल जलजीवन मिशनची 100 टक्के उद्दिष्टपूर्ती : विनय गौडा 

साखरवाडीतील शेकडो कोटींचा कारखाना केवळ 68 कोटीत कोणी गिळला? या कारखान्यात भागीदार कोण, हे न समजण्याइतपत जनता दुधखुळी नाही, असे सांगत या कारखान्याने 25 कोटी रुपयांचे देणे आहे. ते बुडविण्याचा तेथील प्रशासनाचा डाव आहे. परंतु; जर असा प्रयत्न होणार असेल तर गाठ माझ्याशी आहे, हे तेथील प्रशासनातील म्होरक्‍याने ध्यानात ठेवावे, असा इशारा देत त्यांनी देणेकऱ्यांची पै न पै द्यावीच लागेल असे सांगितले. तत्कालीन मुख्यमंत्री पृथ्वीराज चव्हाण यांच्या माध्यमातून तालुक्‍यात नाईकबोमवाडी येथे आपण दुसरी एमआयडीसी मंजूर करून आणली. परंतु, ती होऊ न देण्याचे काम कायमच रामराजे करीत आहेत, असा आरोपही त्यांनी केला. स्वराज कारखाना मजबूत व खंबीर आहे. पुढील वर्षी हा कारखाना राज्यात सर्वाधिक गाळप क्षमता असलेल्या कारखान्यांपैकी एक असेल. स्वराज ग्रुप अंतर्गत आंदोरी (ता. खंडाळा) येथे फळे व भाजीपाला प्रक्रिया प्रकल्प सुरू होणार आहे, अशी माहितीही त्यांनी दिली. 

फलटणात विनामास्क फिरणाऱ्या 48 जणांवर दंडात्मक कारवाई

गटार योजनेतील भ्रष्टाचारासह दर्जाची चौकशी करा 

फलटणकरांनी गेली 30 वर्षे रामराजेंना सत्ता दिली आहे. परंतु, ते विकासकामांमध्ये कमी पडल्याचे जाणवत आहे. फलटण शहराची दयनीय अवस्था हे त्याचे मूर्तिमंत उदाहरण आहे. भुयारी गटार योजनेचे काम निकृष्ट दर्जाचे झाले आहे. ते झाकण्यासाठी त्यावर 12 कोटींच्या रस्त्याचा मुलामा देण्याचे काम सुरू आहे. परंतु; तेही निकृष्ट दर्जाचे आहे. त्यामुळे गटार योजनेतील भ्रष्टाचार व दर्जा याची आधी तपासणी करा व मगच रस्ते करा, अशी आमची भूमिका असल्याचेही रणजितसिंह यांनी स्पष्ट केले. 

पक्ष मजूबत करा; राष्ट्रवादीच्या बैठकीत नेत्यांकडून सदस्यांची कानउघडणी

सरपंच जावयासाठी धावले माजी मंत्री सासरे!; ताेडलेला वीजपुरवठा तत्काळ जोडला गेला

संपादन : बाळकृष्ण मधाळे