सातारा : पाटण तालुक्‍यातील ताईगडेवाडी येथील देशीदारूचे दुकान बंद करण्यासाठी घेतलेल्या मतदानाचा निकाल जाहीर करावा, या मागणीसाठी तेथील महिलांनी जिल्हाधिकारी कार्यालयासमोर आंदोलन करत निदर्शने केली. याबाबतचे निवेदन महिलांनी जिल्हाधिकारी कार्यालयास दिले असून, त्यात आगामी काळात मंत्रालयावर मोर्चा काढण्याचा इशारा दिला आहे.
ताईगडेवाडी येथील दारूचे दुकान बंद करण्यासाठी सुमारे एक वर्षापूर्वी मतदान प्रक्रिया घेण्यात आली होती. मतदान प्रक्रिया पार पडल्याच्या घटनेला एक वर्षे झाले, तरी त्याचा निकाल प्रशासनाने जाहीर केला नाही. यामुळे गावात अजूनही उभी बाटली असून, त्याचा त्रास सर्वसामान्य कष्टकरी जनतेला सहन करावा लागत आहे. याबाबत वारंवार शासनाकडे पाठपुरावा करूनही योग्य ती कार्यवाही झाली नाही. यामुळे ताईगडेवाडी येथील महिलांनी जिल्हाधिकारी कार्यालयासमोर आंदोलनाचा इशारा दिला होता.
यानुसार आंदोलन करत महिलांनी प्रशासनाचा निषेध केला. याचे निवेदन महिलांनी जिल्हाधिकारी कार्यालयास दिले आहे. यात प्रशासनाच्या भूमिकेविषयी शंका व्यक्‍त करण्यात आली आहे. या आंदोलनात सिताई फाउंडेशनच्या कविता कचरे, सुजाता ताईगडे, सुमन ताईगडे, संगीता ताईगडे, शालन ताईगडे, रूपाली ताईगडे, इंदुताई शिबे, मालन ताईगडे, सुमन ताईगडे व महिला सहभागी झाल्या होत्या.
घरा घरांत मना मनांत पक्षाला पाेचविणा-या नेत्यावरच झाली गेम
विदयार्थीनीला विश्वासात घेऊन महाबळेश्वर पाेलिसांनी शाेधला बलात्कारी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.