मलकापूर ः पुणे-बेंगळुरू महामार्गावर वाठार (ता.कऱ्हाड) गावच्या हद्दीत स्कार्पिओ गाडीने टेम्पोला मागून धडक दिल्याने स्कार्पिओ मधील तिघे जण जखमी झाले. जखमींना उपचारासाठी स्थानिक नागरीकांनी रूग्णालयात दाखल केले आहे.

घटनास्थळावरून मिळालेली माहीती अशी ः पुणे येथून कोल्हापूरच्या दिशेने स्कार्पिओ गाडी (एमएच१४- डिसी ००२१) निघाली होती. पुणे-बेंगळुरू महामार्गावरती वाठार गावच्या हद्दीत आली असता स्कार्पिओने टेम्पोला मागून धडक दिली. या धडकेत स्कार्पिओ मधील तिघे जण जखमी झाले. स्कार्पिओचा पुढील भागाचे चक्काचूर झाला असून मोठे नुकसान झाले आहे. जखमींना तातडीने स्थानिक नागरिकांनी रुग्णाला उपचारासाठी दाखल केले.