खंडाळा - सातारा -पुणे महामार्गावरील खंबाटकी घाटातील अपघातासाठी प्रसिद्ध असणाऱ्या एस आकाराच्या तीव्र उताराच्या वळणावर कोल्हापूर वरून मुंबईच्या दिशेने जाणारा भरधाव वेगात जाणारा ट्रेलर (गाडी क्रमांक एम एच 46 एच .5159 ) महामार्गावरच पलटी झाला. यामध्ये गाडीचे मोठे नुकसान होऊन या अपघातात चालक व क्लिनर हे दोघे जण जागीच ठार झाले.
याबाबत खंडाळा पोलिसांनी सांगितले की, कोल्हापूर वरून लोखंडी स्टील (सळई) घेऊन खंबाटकी घाटातून मुंबईकडे जात असताना बोगदा संपल्यानंतर तीव्र उताराच्या वळणावर आज सोमवारी सकाळी साडेसात वाजता हा ट्रेलर पलटी झाला. भरधाव वेगात येणारे ट्रेलर घाटातील वळणावर हेलकावे देत कठड्याला जाऊन धडकले. यामध्ये गाडी खाली दबुन दोन जण जागीच ठार झाले तर ट्रेलरचे पुढील भाग असणाऱ्या भागाचे तुकडे झाले.
दरम्यान मृतांची ओळख पटवण्याचे काम खंडाळा पोलीस करत आहे. महामार्गावरील फलकाच्या कठड्यावर हे ट्रेलर पडल्याने मुख्य वाहतुकीला या अपघाताचा अडथळा ठरला नाही. घटनेचे गांभीर्य पाहता पोलिस स्टेशनचे पोलीस निरीक्षक महेश इंगळे, पोलीस उपनिरीक्षक पांगारे, पोलीस हवालदार धुमाळ, मोरे, वाहतूक पोलीस फरांदे व कुंभार, पोलीस नाईक प्रशांत धुमाळ व जगदाळे यांनी घटनास्थळी भेट देऊन परिस्थिती नियंत्रणात आणली. मृताचे शवविच्छेदन करण्यात आले. यावेळी मदमार्गावरील इतर गाड्या यांचा सुदैवाने बचाव झाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.