सातारा : कुणाला कुठे उतरायचे तिथे उतरु द्या, हा त्यांचा प्रश्न आहे. आरक्षाणापुढे हा प्रश्न किरकाेळ असल्याचे खासदार उदयनराजे भाेसले यांनी आमदार शशिकांत शिंदे यांच्या पालिका निवडणुक लढविण्याच्या घाेषणेला उत्तर दिले. 

साता-यातील जलमंदिर पॅलेस येथे मराठा महासंघाचे शशिकांत पवार यांच्यासमवेत मंगळवारी खासदार उदयनराजे भाेसले यांची पत्रकार परिषद झाली. या परिषदेत खासदार उदयनराजेंनी आमदार शशिकांत शिंदे हे उत्कृष्ट संसदपटू आहेत. मराठा आरक्षणाचा प्रश्न हा राज्य सरकारचा आहे. ताे त्यांनीच साेडविला पाहिजे. स्वतः करायचे नाही आणि विराेधाच्या भूमिकेत राहयचे आणि करु द्यायचे नाही हे चालणार नाही असे त्यांनी नमूद केले.

चालतंय की, शशिकांत शिंदेंच्या घाेषणेस शिवेंद्रसिंहराजेंचे उत्तर

दरम्यान राष्ट्रवादी काॅंग्रेस सातारा पालिकेची निवडणुक लढविणार आहे. त्याबाबत राष्ट्रवादीचे आमदार शशिकांत शिंदे यांनी नुकतेच जाहीर केले आहे या प्रश्नावर खासदार उदयनराजे म्हणाले, कुणाला कुठे उतरायचे तिथे उतरु द्या, हा त्यांचा प्रश्न आहे. आरक्षाणापुढे हा प्रश्न किरकाेळ आहे.

शरद पवारांच्या दुर्लक्षामुळेच मराठा समाजाचे नुकसान; मराठा महासंघाचा आराेप