उंब्रज (जि. सातारा) : पुणे बंगळूर राष्ट्रीय महामार्गावर उंब्रज (ता. क-हाड) गावच्या हद्दीत वाशी ते गोवा जाणारी खासगी मिनी बस एम. एच. ०१ सी आर ९५६५ ही तारळी पूलाचा कठडा तोडून सुमारे चाळीस फूट तारळी नदीपात्रात कोसळली. या भीषण अपघातात पाच जण जागीच ठार झाल्याची प्राथमिक माहिती आहे. तसेच आठ जण गंभीर जखमी झाले आहेत.
आज (शनिवार) पहाटे साडे चारच्या सुमारास हा अपघात झाला. या अपघातातील मृतांमध्ये एक महिला व तीन वर्षांच्या बालकासह अन्य तीन पुरुषांचा समावेश आहे. मधुसुदन गोविंद नायर (४२), उषा मधुसुदन नायर (४०) अदित्य मधुसुदन नायर (२३) सर्व (वाशी नवी मुंबई), साजन एस. नायर (३५), आरव साजन नायर (वय तीन दोघे रा. कोपरखैरणै, वाशी) अशी जागीच मयत झालेल्यांची नावे आहेत.
प्रवास होणार सुखकर! मल्हारपेठ-पंढरपूरसह मायणी रोड टकाटक, त्रासलेल्या नागरिकांना दिलासा
घटनास्थळी स्थानिक नागरिक व युवकांनी तसेच उंब्रज पोलिसांनी तातडीने मदत कार्य सुरू केले होते. जखमींना उपचारासाठी सातारा येथील जिल्हा रुग्णालयात दाखल करण्यात आले आहे.
Edited By : Siddharth Latkar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.