रहिमतपूर (जि. सातारा) : ऊसतोडणी मुकादम मायलेकाने कोरेगाव तालुक्‍यातील वाठार येथील एका ऊस वाहतूकदाराला ऊसतोडणीसाठी मजूर देतो, असे सांगून 4.65 लाखांची फसवणूक केली आहे. याबाबत रहिमतपूर पोलिस ठाण्यात अलका कांबळे व गजानन कांबळे या दोन्ही मायलेकावर गुन्हा दाखल करण्यात आला आहे. 

याबाबतची माहिती अशी, की कोरेगाव तालुक्‍यातील वाठार किरोली येथील हणमंत पंढरीनाथ चव्हाण (वय 60) हे शेतकरी असून, ऊस वाहतूकही करतात. कारखान्याचा गळित हंगाम सुरू झाल्यानंतर त्यांना वाशिम जिल्ह्यातील सावरगाव (जिरे) येथील गजानन बबन कांबळे, अलका बबन कांबळे या ऊसतोडणी मायलेकाने तुम्हाला ऊसतोडणीसाठी मजूर देतो, असे सांगून हणमंत यांच्या मुलाकडून रिसोड आणि रहिमतपूर येथे वेळोवेळी 4.65 लाख रुपये उचल घेतली. 

हा संपूर्ण प्रकार ता. 27 ऑगस्ट 2020 ते ता. 28 सप्टेंबर 2020 या कालावधीत घडला आहे. दरम्यान, कांबळे मायलेकाने चव्हाण यांना ऊसतोडणीसाठी मजूरही पुरवले नाहीत आणि पैसेही परत केले नाहीत. त्यामुळे ते पैसे परत करावेत म्हणून चव्हाण यांच्याकडून कांबळे याच्याकडे सतत मागणी सुरू होती. मात्र, ते परत करण्यात आलेले नाहीत. त्यामुळे हणमंत चव्हाण यांनी या दोघांविरोधात शनिवारी सायंकाळी दहा वाजता रहिमतपूर पोलिस ठाण्यात तक्रार दिल्यानंतर गुन्हा दाखल करण्यात आला आहे. अधिक तपास पोलिस उपनिरीक्षक प्रमोद सावंत करत आहेत.

घ्यायला गेले राष्ट्रवादींतर्गत गटबाजीचा फायदा; स्वकीयांनीच दाखविला कात्रजचा घाट

Breaking News : अपहरण प्रकरणी सेनेच्या नेत्यावर गुन्हा दाखल

सौरभ पाटलांच्या तोंडाला कुलूप होते का? भाजप नगराध्यक्षा आक्रमक

सातारकरांनाे! कास जलवाहिनीस लागली गळती; पाणी काटकसरीने वापरा

Video पाहा : आता काेल्हापूर, सांगलीही गृहराज्यमंत्र्यांचे टार्गेट 

Edited By : Siddharth Latkar