सातारा : साताऱ्यातील (Satara) सदरबझार, तसेच खेड परिसरात रानगव्याचा वावर असल्याचे काल रात्री समोर आले. गवा आणि त्याच्यासोबत लहान पिल्लू फिरत असल्याचा व्हिडिओ व्हायरल झाल्यानंतर वन विभागाने (Forest Department) त्या परिसरात शोध मोहीम हाती घेतली आहे.
सदरबझार परिसरातील एका सोसायटीच्या मुख्य रस्त्यावर काल रात्री दहाच्या सुमारास रानगवा पिलासमवेत फिरत असल्याचे काही नागरिकांच्या निदर्शनास आले. यामुळे नागरिकांमध्ये घबराट पसरली होती. यानंतर सोसायटीतील नागरिकांनी सुरक्षित ठिकाणी जाणे पसंत करत रानगव्याचे चित्रीकरण केले. हे चित्रीकरण नंतरच्या काळात समाजमाध्यमांवरून व्हायरल झाले. याची माहिती मिळाल्यानंतर वन विभागाचे अधिकारी, कर्मचारी त्याठिकाणी दाखल झाले.
त्यांनी परिसरातील नागरिकांकडून माहिती घेत गव्याचा शोध घेण्याचे काम सुरू केले. याचदरम्यान खेड भागातही गवा फिरत असल्याची माहिती काही नागरीकांनी वन विभागाच्या अधिकाऱ्यांना दिली. यानुसार दुसरे पथक त्याठिकाणी पाठविण्यात आले. आज सकाळपासून गव्याचा शोध घेण्याची मोहीम वनविभागाने पुन्हा राबवली. मात्र, त्याचा कोणताही मागमूस लागला नव्हता. वन विभागाने नागरिकांना आवश्यक त्या खबरदारीच्या सूचना केल्या आहेत
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.