Air conditioner safety tips : उन्हाळा सुरू झाला आहे आणि अनेक घरांमध्ये एसी वापरण्याची सुरुवात झाली आहे. परंतु, आपला एसी चालू करण्यापूर्वी काही महत्त्वाच्या गोष्टी लक्षात ठेवणे आवश्यक आहे. एसीच्या स्फोटांच्या घटना उन्हाळ्यात नेहमीच ऐकायला मिळतात, त्यामुळे जर एसी काही महिने बंद ठेवले असेल, तर अधिक काळजी घेणे गरजेचे आहे.

हरियाणामधील धक्कादायक घटना

उन्हाळ्यात एसी वापरण्यापूर्वी योग्य काळजी न घेतल्यास गंभीर परिणाम होऊ शकतात. हरियाणामध्ये नुकत्याच घडलेल्या एक धक्कादायक घटनेत चार लोकांचा मृत्यू एसीच्या स्फोटामुळे झाला. या घटनेने एसी वापरणाऱ्यांना एक मोठा इशारा दिला आहे, त्यामुळे एसी सुरू करण्यापूर्वी काळजी घेणं आवश्यक आहे.

एसी चालू करण्यापूर्वी ह्याच गोष्टी करा (AC Safety Tips)

१. विद्युत कनेक्शन तपासा
एसी चा वीज कनेक्शन योग्य असल्याची खात्री करा. शिथिल किंवा खराब कनेक्शनमुळे शॉर्ट सर्किट होऊन स्फोट होण्याची शक्यता असते.

२. एसीचे सर्विसिंग करा
काही लोक एसीचा कव्हर उचलून थोडक्यात चालू करतात. पण एसी अनेक महिन्यापासून बंद असल्यास त्याचे सर्विसिंग करणे फार महत्त्वाचे आहे. सर्व पार्ट्स व्यवस्थित कार्यरत आहेत का हे तपासूनच चालू करा.

३. गॅस गळती तपासा
स्प्लिट किंवा विंडो एसी वापरण्यापूर्वी गॅस गळती तपासा. गॅस गळतीमुळे एसीचे कार्यक्षमता कमी होऊ शकते. ज्यामुळे स्फोट होऊन मोठा अपघात घडू शकतो.

४. टर्बो मोडचा वापर काळजीपूर्वक करा
टर्बो मोड वापरून अधिक पंपिंग होईल. त्यामुळे एसीवर अतिरिक्त ताण पडू शकतो. एकदा खोली आरामदायक तापमानापर्यंत पोहोचली की सामान्य स्पीडवर स्विच करा.

५. ओव्हरयूज टाळा
एसी जास्त तास चालवणे हे ओव्हरहीटिंग आणि स्फोटाचा धोका वाढवू शकते. गरम वातावरणात एसी चालवताना याचे योग्य पद्धतीने वापर करा.

सुरक्षित एसी वापरासाठी या काही सोप्या गोष्टी लक्षात ठेऊन तुम्ही या उन्हाळ्यात आपल्या एसीचा अधिक चांगला आणि सुरक्षित वापर करू शकता.