गेल्या काही दिवसांमध्ये दिल्ली, मुंबई आणि देशातील इतर प्रमुख शहरांमधील हवेचं प्रदूषण मोठ्या प्रमाणात वाढलं आहे. केवळ शहरांमध्येच नाही, तर निमशहरी भागात देखील प्रदूषणाची पातळी वाढत चालली आहे. अशा वेळी आपल्या घरामध्ये शुद्ध हवा खेळती रहावी यासाठी कित्येक लोक एअर प्युरिफायर खरेदी करण्याला पसंती देत आहेत.

सध्या दिवाळीनिमित्त कित्येक ई-कॉमर्स वेबसाईट्स आणि दुकानांमध्ये सेल सुरू आहे. या सेलमध्ये तुम्ही अगदी पाच ते दहा हजार रुपये किंमतीमध्ये एअर प्युरिफायर खरेदी करू शकता. सॅमसंग, फिलिप्स, एमआय, केंट अशा मोठ्या कंपन्यांचे एअर प्युरिफायर या सेलमध्ये कमी किंमतीवर उपलब्ध आहेत.

फ्लिपकार्टवर सॅमसंगचा पोर्टेबल एअर प्युरिफायर केवळ 7,255 रुपयांना उपलब्ध आहे. याची मूळ किंमत 12,990 रुपये आहे. मात्र, सेलमध्ये हा स्वस्तात मिळत आहे. याला साडेचार स्टार रेटिंग मिळाली आहे. एमआय कंपनीचा स्मार्ट एअर प्युरिफायर याठिकाणी 9,999 रुपयांना उपलब्ध आहे. याला तब्बल 2,309 जणांनी रेटिंग दिलं आहे.

केंट कंपनीचा 21,990 रुपये किंमतीचा एअर प्युरिफायर फ्लिपकार्टच्या दिवाळी सेलमध्ये अवघा 8,999 रुपयांना मिळत आहे. तसंच, केंटचा एअर+यूव्ही फिल्टर 10,999 रुपयांना मिळतो आहे. याची मूळ किंमत 29,950 रुपये आहे. मात्र दिवाळी सेलमध्ये यामध्ये 63 टक्के सूट मिळत आहे. (Tech News)

अमेझॉनवर फिलिप्स कंपनीचा एअर प्युरिफायर केवळ 9,499 रुपयांना मिळत आहे. याची मूळ किंमत 12,995 रुपये आहे. मात्र, ग्रेट इंडियन फेस्टिवल सेलमध्ये यावर 27 टक्के सूट मिळत आहे. अमेझॉन बेसिक्सचे काही छोटे एअर प्युरिफायर देखील तीन ते चार हजार रुपयांना उपलब्ध आहेत. तुमचं घर छोटं असेल, किंवा तुम्हाला एका रुमसाठी प्युरिफायर हवा असेल तर हे पर्याय देखील तुम्ही पाहू शकता.