नवी दिल्ली : गुगल आपल्या युजर्ससाठी नेहमीच नव-नवीन अपडेट घेऊन येत असते. यावेळी गुगलने 'Shoelace' अॅप आणण्याच्या तयारीत आहे. 'Shoelace' गुगलचा सोशल नेटवर्किंग प्लॅटफॉर्म आहे. गेल्या काही दिवसांपूर्वी गुगलने आपले जुने सोशल नेटवर्किंग प्लॅटफॉर्म Google+ बंद केले. त्यामुळे गूगल आपल्या युजर्संना नवीन 'Shoelace' सोशल नेटवर्किंग प्लॅटफॉर्म आणण्याची शक्यता आहे. फेसबुक, इंस्टाग्राम यासारख्या सोशल नेटवर्किंग प्लॅटफॉर्मच्या तुलनेत Google+ ला म्हणाला तितका प्रतिसाद मिळाला नाही. त्यामुळे गुगलने Google+  बंद करण्याचा निर्णय घेतल्याचे समजते. 

सोशल नेटवर्किंगमध्ये स्पेस बनवण्याची तयारी
 'Shoelace' च्या माध्यमातून गुगल पुन्हा एकदा सोशल नेटवर्किंग स्पेसमध्ये आपली पकड मजबूत करण्यासाठी प्रयत्नशील आहे. याआधी Google+ याशिवाय गुगलच्या फ्रेन्ड कनेक्ट आणि गुगल बज सुद्धा युजर्सकडून चांगला प्रतिसाद मिळाला नव्हता. एप्रिलमध्ये Google+  बंद केल्यानंतर पुन्हा  'Shoelace' च्या माध्यमातून गुगल सोशल नेटवर्किंगमध्ये दमदार एन्ट्री करण्याच्या प्रयत्नात आहे.   'Shoelace' च्या नावानुसार असे समजते की, गुगलचे हे सोशल नेटवर्किंग प्लॅटफॉर्म लोकांना एकत्र आणण्याचे काम करेल.