तुमच्या स्मार्टफोनमध्ये "क्रिप्टो वॉलेट" संबंधित अॅप आहेत का? तर ही बातमी तुमच्यासाठी अत्यंत महत्त्वाची आहे. सायबर सुरक्षेच्या तज्ज्ञांनी Google Play Store वरच्या काही खोट्या आणि फसवणूक करणाऱ्या अॅपबाबत गंभीर इशारा दिला आहे. ही अॅप्स बेकायदेशीर पद्धतीने वापरकर्त्यांची वैयक्तिक माहिती आणि क्रिप्टो करंसी चोरण्यासाठी डिझाइन करण्यात आली आहेत.
या अॅप्सनी नामांकित आणि विश्वासार्ह अॅप्सची नक्कल करत स्वतःला सुरक्षित वाटावे असे रूप दिले आहे. एकदा का वापरकर्त्यांनी हे अॅप्स डाउनलोड केले की त्यांना बनावट वेबसाईट्सकडे किंवा खोट्या स्क्रीनकडे वळवले जाते. या स्क्रीनवर वापरकर्त्यांकडून "Mnemonic Phrase" (क्रिप्टो वॉलेट रिकव्हरी कोड) विचारला जातो आणि एकदा का तो मिळाला, की तुमचं पूर्ण वॉलेट त्याच्या ताब्यात जातं.
सायबल रिसर्च आणि इंटेलिजन्स लॅब्स (CRIL) च्या अहवालानुसार, २० पेक्षा जास्त धोकादायक अॅप्स Google Play Store वर आढळले आहेत.
Pancake Swap
Suiet Wallet
Hyperliquid
Raydium
BullX Crypto
OpenOcean Exchange
Meteora Exchange
SushiSwap
BullX Crypto
Harvest Finance blog
हे सर्व अॅप्स त्वरित हटवा.
Mnemonic Phrase किंवा वॉलेट रिकव्हरी कोड केवळ अधिकृत अॅपमध्येच टाका.
अॅप्स फक्त अधिकृत वेबसाइटवरून किंवा विश्वासार्ह सोर्समधूनच डाउनलोड करा.
2FA (Two-Factor Authentication) सक्रीय ठेवा.
आपले वॉलेट व्यवहार नियमितपणे तपासत रहा.
या प्रकारातील सायबर फसवणूक दिवसेंदिवस वाढत चालली आहे. Google Play Store वर जरी अॅप उपलब्ध असेल, तरी ते सुरक्षित आहे याची खात्री करणे तुमची जबाबदारी आहे. विशेषतः क्रिप्टो वॉलेटसारख्या संवेदनशील अॅप्ससाठी सतर्कता आणि माहितीची पडताळणी अत्यावश्यक आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.