OnePlus 11R प्री-बुकिंग: OnePlus ने 7 फेब्रुवारी 2023 रोजी भारतात आपला नवीन स्मार्टफोन OnePlus 11R लाँच केला. भारताव्यतिरिक्त हा फोन जागतिक बाजारपेठेसाठीही सादर करण्यात आला. OnePlus 11R सोबत कंपनीकडून फ्लॅगशिप OnePlus 11, OnePlus TV, OnePlus पॅडसह अनेक नवीन प्रॉडक्ड्स लॉन्च करण्यात आले.
लेटेस्ट OnePlus 11R मध्ये फ्लॅगशिप Qualcomm Snapdragon 8+ Gen 1 चिपसेट देण्यात आला आहे. हा डिव्हाइस आजपासून (21 फेब्रुवारी 2023) देशात प्री-ऑर्डरसाठी उपलब्ध करून देण्यात आला आहे. फोनसोबत कंपनी 5,999 रुपये किमतीचे OnePlus Buds Z2 इयरबड्स मोफत देत आहे.
OnePlus 11R ची किंमत, ऑफर
8 जीबी रॅम आणि 128 जीबी स्टोरेजसह OnePlus 11R भारतात 39,999 रुपयांना लॉन्च करण्यात आला आहे. त्याच वेळी, 16 जीबी रॅम आणि 256 जीबी स्टोरेज मॉडेलची किंमत 44,999 रुपये ठेवण्यात आली आहे. फोनची प्री-ऑर्डर 21 फेब्रुवारी रोजी दुपारी 12 वाजता सुरू होईल. Oneplus.in, OnePlus Store App, Amazon India आणि OnePlus Experience Store वरून हँडसेटची प्री-बुकिंग केली जाऊ शकते.
तुमच्याकडे सिटीबँक क्रेडिट कार्ड असल्यास, तुम्हाला रु. 1,000 ची इंस्टट सूट देखील मिळू शकेल. त्याचप्रमाणे, ICICI बँक वापरकर्ते फोनवर क्रेडिट, डेबिट आणि EMI व्यवहारांद्वारे 1,000 रुपयांची सूट देखील घेऊ शकतात.
विशेष बाब म्हणजे OnePlus 11R प्री-बुक करणाऱ्या ग्राहकांना OnePlus Buds Z2 मोफत मिळेल. ही ऑफर केवळ स्टॉक उपलब्ध होईपर्यंत वैध आहे.
OnePlus 11R मध्ये 6.74 इंचाचा Fluid AMOLED डिस्प्ले दिला आहे जो कर्व्ह्ड डिझाइनसह येतो. स्क्रीन 1.5K रिझोल्यूशन ऑफर करते आणि 120Hz चा रिफ्रेश रेट आहे. स्क्रीन HDR10+ सर्टिफिकेशनला सपोर्ट करते. फोनमध्ये इन-डिस्प्ले फिंगरप्रिंट स्कॅनर देण्यात आला आहे. स्मार्टफोनमध्ये स्क्रीनच्या मध्यभागी फ्रंट कॅमेरासाठी पंच-होल दिले,
OnePlus 11R मध्ये Octa-core Qualcomm Snapdragon 8+ Gen 1 प्रोसेसर आणि ग्राफिक्ससाठी Adreno 730 GPU सारखी फीचर्स दिली आहेत. फोनमध्ये 16GB पर्यंत रॅम आणि 256GB पर्यंत इनबिल्ट स्टोरेज आहे. डिव्हाइस OxygenOS 13 सह येते जे लेटेस्ट Android 13 वर आधारित आहे.
कॅमेर्याबद्दल बोलायचे झाले तर OnePlus 11R मध्ये ट्रिपल रियर कॅमेरा सिस्टम देण्यात आला आहे. हँडसेटमध्ये 50-मेगापिक्सेल प्रायमरी, 8-मेगापिक्सेल अल्ट्रा-वाइड-एंगल लेन्स आणि ऑप्टिकल इमेज स्टॅबिलायझेशनसह 2-मेगापिक्सेल मॅक्रो सेन्सर दिले आहे. सेल्फी आणि व्हिडिओ कॉलसाठी स्मार्टफोनमध्ये 16-मेगापिक्सलचा फ्रंट सेन्सर मिळतो.
नवीन OnePlus 11R मध्ये 5000mAh बॅटरी आहे जी 100W SuperVOOC चार्जिंग टेक्नोलॉजीला सपोर्ट करते. फोनमध्ये यूएसबी 2.0 टाइप-सी पोर्ट, डॉल्बी अॅटमॉस ऑडिओसह स्टिरिओ स्पीकर आहेत. वनप्लसचा हा फोन सोनिक ब्लॅक आणि गॅलेक्टिक सिल्व्हर कलरमध्ये खरेदी करता येईल.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.