OnePlus Nord 3 Launch : OnePlus ने अलीकडेच त्याचे प्रीमियम फोन OnePlus 11 आणि OnePlus 11R लाँच केले. त्यानंतर आता चीनी स्मार्टफोन कंपनी आपल्या Nord सीरीजचा नवीन हँडसेट OnePlus Nord 3 लॉन्च करण्याच्या तयारीत आहे. काही दिवसांपूर्वी OnePlus Nord 3 चे फीचर्स लीक झाले होते. आता एका नवीन मीडिया रिपोर्टमध्ये डिव्हाइसची सर्व फीचर्स आणि लॉन्च टाइमलाइन उघड झाली आहे.

OnePlus Nord 3 लाँच - टाइमलाइन डटेल्स

टिपस्टर Onleaks चा हवाला देत MysmartPrice च्या रिपोर्टमध्ये डिव्हाइसच्या सर्व फीचर्सचा उल्लेख करण्यात आला आहे. OnePlus Nord 3 जून आणि जुलैच्या मध्यात जागतिक स्तरावर लॉन्च होईल. महत्वाचे म्हणजे OnePlus Nord सीरीजचा OnePlus Nord 2 चा मागील फोन देखील जुलै 2021 मध्ये सादर करण्यात आला होता.पहील्या जनरेशनचा OnePlus Nord 2 देखील जुलै 2020 मध्ये लॉन्च झाला होता.

OnePlus Nord 3 - स्पेसिफीकेशन्स

रिपोर्टमध्ये असे दिसून आले आहे की OnePlus Nord 3 मध्ये फुलएचडी+ रिझोल्यूशनसह 6.72-इंचाचा मोठा AMOLED डिस्प्ले असू शकतो. हँडसेटमध्ये 120 Hz रिफ्रेश रेट दिला जाऊ शकतो. आगामी नॉर्ड सीरीज स्मार्टफोन ऑक्टा-कोर डायमेन्सिटी 9000 प्रोसेसरद्वारे सपोर्टेड असेल. हा फोन 8 GB रॅम आणि 16 GB रॅम सह 128 GB आणि 256 GB इनबिल्ट स्टोरेज व्हेरिएंटमध्ये लॉन्च केला जाईल.

कॅमेर्‍याबद्दल बोलायचे झाले तर OnePlus Nord 3 मध्ये ट्रिपल रियर कॅमेरा सेटअप दिला जाईल. हँडसेटमध्ये 50 मेगापिक्सेल प्राइमरी, 8 मेगापिक्सेल अल्ट्रा-वाइड आणि 2 मेगापिक्सेल मॅक्रो लेन्स असल्याची नोंद आहे. सेल्फी आणि व्हिडिओ कॉलिंगसाठी स्मार्टफोनमध्ये 16-मेगापिक्सलचा फ्रंट कॅमेरा असेल. हँडसेटला पॉवर करण्यासाठी, 80W SuperVOOC चार्जिंग सपोर्टसह 5000mAh बॅटरी उपलब्ध असेल. डिव्हाइसमध्ये अलर्ट स्लाइडर देखील दिला जाईल.

यापूर्वी OnePlus Nord CE 3 ची लाईव्ह इमेज समोर आली होती. लीक झालेल्या इमेजनुसार, Nord CE 3 ला ग्लॉसी बॅक पॅनल आणि ट्रिपल रियर कॅमेरा सेटअप मिळेल. हँडसेटमध्ये फिंगरप्रिंट सेन्सर, 3.5 मिमी ऑडिओ जॅक आणि यूएसबी टाइप-सी पोर्ट उपलब्ध असेल. स्मार्टफोनमध्ये 6.7 इंचाचा IPS LCD डिस्प्ले, 16 मेगापिक्सेल फ्रंट कॅमेरा, स्नॅपड्रॅगन 695 प्रोसेसर, 12 GB रॅम आणि 5000mAh बॅटरी सारखे फीचर्स दिले जाऊ शकतात.