Jio Air Fiber Free Wifi Offer : दिवाळीच्या निमित्ताने रिलायन्स जिओने एक आकर्षक ऑफर सादर केली आहे, जी भारतीय ग्राहकांसाठी नवा आनंद घेऊन येत आहे. या दिवाळी धमाका ऑफरमध्ये जिओ आपल्या ग्राहकांना संपूर्ण वर्षभरासाठी मोफत हाय-स्पीड 5G इंटरनेट देणार आहे. मात्र, ही ऑफर मिळवण्यासाठी ग्राहकांना 3 नोव्हेंबरपर्यंत ही संधी घेणे आवश्यक आहे.

काय आहे ऑफर?

रिलायन्स जिओच्या या दिवाळी ऑफर अंतर्गत ग्राहकांना १२ महिने फ्री इंटरनेटचा आनंद घेता येईल, जे विशेषतः जास्त डेटा वापरणाऱ्या ग्राहकांसाठी उपयुक्त ठरणार आहे. ग्राहकांना फक्त 20,000 रुपयांची खरेदी रिलायन्स डिजिटल किंवा मायजिओ स्टोअरमधून करावी लागेल, आणि त्यानंतर त्यांना वर्षभराच्या मोफत इंटरनेटचा लाभ मिळेल.

जिओ एअर फायबर युजर्ससाठी विशेष ऑफर जिओच्या एअर फायबर ग्राहकांसाठी देखील एक आकर्षक योजना आहे. फक्त 2,222 रुपयांत तीन महिन्यांचा एअर फायबर प्लॅन उपलब्ध आहे. तसेच, 12 अॅडव्हान्स कूपन जिओ एअर फायबर युजर्सना दिले जातील, जे नोव्हेंबर 2024 ते ऑक्टोबर 2025 दरम्यान कोणत्याही वेळेस रिचार्ज करण्यासाठी वापरता येतील.

सतर्कतेचा संदेश यासह, रिलायन्स जिओने एक महत्त्वपूर्ण उपक्रम सुरू केला आहे, ज्यामुळे फसवणूक प्रकरणांपासून ग्राहकांना सुरक्षित ठेवले जाईल.