दिग्गद अॅपल कंपनी त्याच्या आयफोन स्मार्टफोन वापरकर्त्यांना अनेक नव नवीन वैशिष्ट्ये देण्याचा प्रयत्न करत असते. परंतु, आयफोनवर WhatsApp संदेशांना उत्तर देण्याचा एक अनोखा पर्यायदेखील आहे जो Android वर उपलब्ध नाही. आयफोनवरील या फिचरमध्ये फोनची स्क्रीन लॉक असतानाही व्हॉट्सअॅप मेसेजला रिप्लाय देऊ शकता. आज आपण हे नवीन फिचर कसे काम करते ते जाणून घेणार आहोत. (iPhone WhatsApp New Feature)

कोणत्याही फोनवर WhatsApp वर आलेल्या मेसेजला रिप्लाय देण्यासाठी फोनची स्क्रीन अनलॉक करणे गरजेचे असते. पण जर तुम्ही आयफोन वापरकर्ता असाल, तर तुम्ही स्क्रीन लॉक असतानाही आलेल्या मेसेजला रिप्लाय देऊ शकता. स्क्रीन लॉक असतानाही रिप्लाय देता येणारे हे फीचर Apple iPhone 6s आणि iPhone 13, iPhone 12, iPhone 11 सारख्या नवीन iPhone मॉडेलसाठी उपलब्ध आहे.

असे करते कार्य

1. स्क्रीनवर आलेल्या व्हाट्सएप नोटिफिकेशनवर टॅप करा अथवा लॉन्ग प्रेस करा.

2. तुमचा रिप्लाय टाइप करा आणि सेंड बटनावर टॅप करा.

3. यासाठी तुम्हाला सेटिंग्सवर जाऊन हॅप्टिक सेटिंग्स समायोजित करावी लागतील. यासाठी Settings मध्ये जा, त्यानंतर accessibility वर जाऊन touch आणि haptic touch पर्याय निवडून touch duration वर टॅप करावे.

याशिवाय आयफोन वापरकर्ते सिरीला व्हॉट्सअॅप मेसेज पाठवायला, व्हॉट्सअॅप कॉल करायला आणि आलेले मेसेज मोठ्याने वाचायलाही सांगू शकतात. परंतु ही वैशिष्ट्ये फक्त iOS 10.3 आणि त्यावरील आवृत्तीवर उपलब्ध आहेत.